ന്യൂഡല്‍ഹി: ഓണ്‍ലൈന്‍ ഗെയിമിംഗിനായി സ്വയം നിയന്ത്രണമുള്ള സംഘടന രൂപീകരിക്കുന്നത് ഉചിതമായിരിക്കുമെന്ന അഭിപ്രായവുമായി ഇന്‍റര്‍നെറ്റ് ആന്‍ഡ് മൊബൈല്‍ അസോസിയേഷന്‍ ഓഫ് ഇന്ത്യ (ഐഎഎംഎഐ).
ഉപഭോക്തൃ ഇന്‍റര്‍നെറ്റ് കമ്ബനികളെ പ്രതിനിധീകരിക്കുന്ന സംഘടനയാണ് ഐഎഎംഎഐ.
ഇലക്‌ട്രോണിക്സ് ആന്‍ഡ് ഇന്‍ഫര്‍മേഷന്‍ ടെക്നോളജി മന്ത്രാലയം (എം.ഇ.ഐ.ടി.വൈ) ഓണ്‍ലൈന്‍ ഗെയിമിംഗ് വ്യവസായത്തെ നിയന്ത്രിക്കുന്നതിനുള്ള നോഡല്‍ മന്ത്രാലയമായി മാറി. ഇതോടെയാണ് ഇത്തരം ഓണ്‍ലൈന്‍ ഗെയിമിംഗുമായി ബന്ധപ്പെട്ട നയങ്ങള്‍ മുന്നോട്ട് വയ്ക്കാന്‍ ഒരുങ്ങുന്നത്. ഓണ്‍ലൈന്‍ ഗെയിമിംഗിനായി ഒരു നയം ആവിഷ്കരിക്കാനും ഈ മേഖലയ്ക്കായി സ്വയം നിയന്ത്രണ സംഘടന രൂപീകരിക്കാനും മന്ത്രാലയത്തിന്‍റെ പദ്ധതികളെക്കുറിച്ച്‌ അടുത്തിടെ റിപ്പോര്‍ട്ടുകള്‍ ഉണ്ടായിരുന്നു.
ഇലക്‌ട്രോണിക്സ് ആന്‍ഡ് ഇന്‍ഫര്‍മേഷന്‍ ടെക്നോളജി മന്ത്രാലയത്തിലേക്ക് എത്തുന്ന ഓണ്‍ലൈന്‍ ഗെയിമിംഗുമായി ബന്ധപ്പെട്ട കാര്യങ്ങള്‍ നിയന്ത്രിതവും ചിട്ടയായതുമായ രീതിയില്‍ വളരാന്‍ ഈ വിഭാഗത്തെ പ്രോത്സാഹിപ്പിക്കുമെന്ന് ഇന്‍റര്‍നെറ്റ് ആന്‍ഡ് മൊബൈല്‍ അസോസിയേഷന്‍ ഓഫ് ഇന്ത്യ പ്രസിഡന്‍റ് ഡോ ശുഭോ റേ പറഞ്ഞു.
