സ്വന്തം ഇഷ്ടങ്ങളും ആഗ്രഹങ്ങളും പറയുന്നതിന്റെ പേരില് എപ്പോഴും ട്രോളുകളില് ഇടം പിടിക്കുന്ന നടിയാണ് ഗായത്രി സുരേഷ്.
അടുത്തിടെ പ്രണവ് മോഹൻലാലിനോടുള്ള തന്റെ ഇഷ്ടം തുറന്ന പറഞ്ഞതിനെ തുടര്ന്നും നടി സമൂഹമാദ്ധ്യമങ്ങളില് നിറഞ്ഞുനിന്നരുന്നു. ഇപ്പോഴിതാ, വീണ്ടും പ്രണവിനോടുള്ള ഇഷ്ടത്തെക്കുറിച്ച് പറയുകയാണ് ഗായത്രി സുരേഷ്.
‘ഇപ്പോള് എന്റെ വാള് പേപ്പര് പ്രണവല്ല. ഒരു എലിജിബിള് ബാച്ചിലര് എന്ന നിലയില് എനിക്ക് ഇപ്പോഴും പ്രണവിനോട് ഇഷ്ടമുണ്ട്. ഞാൻ അദ്ദേഹത്തിന്റെ വലിയ ഒരു ആരാധികയാണ്. വളരെ സിനിമാറ്റിക് ആന്റ് ഡ്രാമറ്റിക്കുമായ വ്യക്തിയാണ് ഞാൻ. ഒരു അഭിമുഖത്തില് സെലിബ്രിറ്റി ക്രഷ് ആരാണെന്ന് ചോദിച്ചപ്പോള് പ്രണവ് മോഹൻലാലിനോടാണെന്ന് ഞാൻ പറഞ്ഞാല് മതിയായിരുന്നു. പക്ഷെ ഞാൻ പറഞ്ഞത്. എന്റെ മനസില് ഒറ്റയാളേയുള്ളൂ അത് പ്രണവ് മോഹൻലാലാണ് എന്നാണ്. അത് വൈറലായി.
പിന്നീടുള്ള അഭിമുഖങ്ങളിലെല്ലാം ഇതേ കുറിച്ച് ചോദ്യം വന്നപ്പോള് ആ ചോദ്യത്തെ തടയുകപോലും ചെയ്യാതെ ഞാൻ പറഞ്ഞുകൊണ്ടോയിരുന്നു. അതാണ് ആ ട്രോളും കൂടിയത്. ഇരുപത്തിയൊന്നാം നൂറ്റാണ്ട് എന്ന സിനിമയുടെ ഷൂട്ടിംഗ് നടക്കുന്ന സമയത്ത് ഞാൻ പ്രണവിനെ കാണാനായി പോയിരുന്നു.
എല്ലാവരും പറയുന്നു പ്രണവ് ഇൻട്രോവേര്ട്ടാണെന്ന്. എനിക്ക് അങ്ങനെ തോന്നിയില്ല. ഞാൻ പോയി പ്രണവിനെ കണ്ടു. ഞാൻ ഗായത്രി… താങ്കളെ കാണാൻ വേണ്ടി മാത്രം വന്നതാണെന്ന് പറഞ്ഞപ്പോള് എനിക്ക് ഹാൻഡ് ഷേക്ക് തന്നു പ്രണവ്. അപ്പോഴേക്കും ഷോട്ടിന്റെ സമയമായി അദ്ദേഹം പോയി. അത്രയേ ഉണ്ടായുള്ളൂ.’- ഗായത്രി സുരേഷ് പറഞ്ഞു.