കല്പറ്റ: കൈനാട്ടിയിലെ കല്പറ്റ ജനറല് ആശുപത്രിയില് ഒപി ടിക്കറ്റ് എടുക്കുന്നതിനിടയില് കുട്ടിയുടെ പാദസരം മോഷണംപോയതായി പരാതി.
മോഷണം നടത്തുന്നതിന്റെ സിസിടിവി ദൃശ്യവും പുറത്തുവന്നിട്ടുണ്ട്. ആഗസ്റ്റ് 30നാണ് കവര്ച്ച നടന്നത്.
മുട്ടില് പരിയാരത്തുള്ള കുടുംബം ഡോക്ടറെ കാണാനായി ഒ.പി ടിക്കറ്റ് എടുക്കുന്നതിനിടെയില് ഒരു സ്ത്രീ സമീപത്തെത്തി കുട്ടിയുടെ പാദസരം അഴിച്ചു കൊണ്ടുപോയി എന്നാണ് പരാതി. ആശുപത്രിയിലെ സി.സി.ടി.വി ദൃശ്യത്തിലും കവര്ച്ച വ്യക്തമാണ്. പരാതിയെ തുടര്ന്ന് പോലീസ് കേസെടുത്ത് അന്വേഷണം ആരംഭിച്ചു.