,
തിരുവനന്തപുരം: ഈ വര്ഷത്തെ എസ്.എസ്.എല്.സി ഫലം വിദ്യാഭ്യാസ മന്ത്രി വി.ശിവന്കുട്ടി പ്രഖ്യാപിച്ചു.
99.26 ആണ് വിജയശതമാനം. 44363 പേര് എല്ലാ വിഷയങ്ങള്ക്കും എ പ്ലസ് നേടി. ആകെ പരീക്ഷ എഴുതിയ 4,26,469 വിദ്യാര്ത്ഥികളില് 4,23,303 പേരാണ് ഉന്നത വിദ്യാഭ്യാസത്തിന് യോഗ്യത നേടിയത്.
ഏറ്റവും കൂടുതല് വിജയശതമാനം കണ്ണൂരില്. വിജയ ശതമാനം ഏറ്റവും കുറഞ്ഞ ജില്ല വയനാട്. ഏറ്റവും കൂടുതല് എ പ്ലസ് നേടിയ വിദ്യാര്ത്ഥികള് മലപ്പുറത്ത്. സെക്രട്ടേറിയേറ്റിലെ പി.ആര് ചേംബറില് നടന്ന വാര്ത്താ സമ്മേളനത്തിലാണ് മന്ത്രി വി.ശിവന്കുട്ടി ഫലം പ്രഖ്യാപിച്ചത്.
എസ്എസ്എല്സി റെഗുലര് വിഭാഗത്തില് 4,26,469 വിദ്യാര്ത്ഥികള് പരീക്ഷയെഴുതിയിരുന്നു. ഇതില് 4,23,303 വിദ്യാര്ത്ഥികളാണ് ഉപരിപഠനത്തിന് യോഗ്യത നേടിയത്. നാലു മണി മുതല് ഫലം വെബ്സൈറ്റുകളില് ലഭ്യമാകും. ഇത്തവണ ഗ്രേസ് മാര്ക്കില്ല. ഫോക്കസ് ഏരിയ രീതി അവലംബിച്ച് ഫോക്കസ് ഏരിയയില് നിന്ന് 70 ചോദ്യങ്ങളാണ് ഉള്പ്പെടുത്തിയത്.
ഔദ്യോഗിക വെബ്സൈറ്റായ keralaresults.nic.in ല് ഫലമറിയാം. www.results.kite.kerala.gov.in, www.pareekshabhavan.kerala.gov.in, www.sslcexam.kerala.gov.in എന്നീ വെബ്സൈറ്റുകളിലും ഫലമറിയാം.
ഗൂഗിള് പ്ലേ സ്റ്റോറില് നിന്നു Saphalam 2022, PRD Live എന്നീ മൊബൈല് ആപ്പുകള് വഴിയും ഫലം അറിയാം.