എറണാകുളം: ജില്ലയില് വ്യാജ മദ്യവേട്ട. 1,500 ലിറ്റര് വിദേശമദ്യമാണ് എക്സൈസ് പിടികൂടിയത്. എക്സൈസ് ഉദ്യോഗസ്ഥരുടെ നേതൃത്വത്തില് നോര്ത്ത് പറവൂരുള്ള മുത്തകുന്നത്തെ വാടക വീട്ടിലായിരുന്നു വ്യാജ മദ്യം സൂക്ഷിച്ചിരുന്നത്.
മുത്തകുന്നം തറയില് കവലയില് പ്രതികള് ഒരു വര്ഷം മുന്പാണ് വീട് വാടകക്കെടുക്കുകയും തുടര്ന്ന് ആ വീട്ടില് മദ്യ നിര്മ്മാണം നടത്തുകയും ചെയ്തത്. വീട്ടില് നിന്നും മദ്യം നിര്മ്മിക്കാന് ഉപയോഗിക്കുന്ന വാഷും മറ്റ് ഉപകരണങ്ങളും എക്സൈസ് ഉദ്യോഗസ്ഥര് പിടികൂടി. 25 ലിറ്ററിന്റെ 60 കന്നാസിലാണ് മദ്യം സൂക്ഷിച്ചിരുന്നത്.
വാവക്കാട് സ്വദേശി ജിന്ന്റോയാണ് വീട് വാടകയ്ക്കെടുത്തതെന്ന് അന്വേഷണത്തില് വ്യക്തമായി. ജിന്ന്റോ ഒളിവിലാണെന്ന് എക്സൈസ് ഉദ്യോഗസ്ഥര് അറിയിച്ചു. ഇയാള്ക്കായി പോലീസ് അന്വേഷണം ഊര്ജ്ജിതമാക്കി.