ആര്ട്ടിഫിഷ്യല് ഇന്റലിജൻസില് ആധിപത്യം ഉറപ്പിച്ച് ട്രൂകോളറും. ഇത്തവണ എഐ അസിസ്റ്റന്റുമായാണ് ട്രൂകോളര് രംഗത്തെത്തിയിരിക്കുന്നത്.
ഉപഭോക്താക്കളുടെ കോളുകള്ക്ക് ഉത്തരം നല്കുകയും, അനാവശ്യ കോളുകളെ ഒഴിവാക്കാൻ ഉപഭോക്താക്കളെ സഹായിക്കുകയും ചെയ്യുന്ന കസ്റ്റമൈസ് ഡിജിറ്റല് റിസപ്ഷനിസ്റ്റായ ട്രൂകോളര് അസിസ്റ്റന്റാണ് ലോഞ്ച് ചെയ്തിരിക്കുന്നത്.
ആൻഡ്രോയിഡ് ഉപഭോക്താക്കള്ക്ക് ഗൂഗിള് പ്ലേ സ്റ്റോറില് നിന്നും ട്രൂകോളര് ആപ്പ് ഡൗണ്ലോഡ് ചെയ്തശേഷം ഈ ഫീച്ചര് ഉപയോഗപ്പെടുത്താവുന്നതാണ്. സ്പാം കോളുകളെ പ്രത്യേകം തിരിച്ചറിഞ്ഞ് അവയെ ഒഴിവാക്കാൻ സഹായിക്കുമെന്നതാണ് ഈ ഫീച്ചറിന്റെ പ്രധാന പ്രത്യേകത. ആൻഡ്രോയ്ഡ് ഉപഭോക്താക്കള്ക്ക് ട്രൂകോളര് അസിസ്റ്റന്റ് 14 ദിവസത്തെ സൗജന്യ ട്രയലില് ലഭ്യമാണ്. ഇന്ത്യൻ ഉപഭോക്താക്കള്ക്ക് ഹിന്ദി, ഇംഗ്ലീഷ് എന്നീ ഭാഷകളില് മാത്രമാണ് തുടക്കത്തില് ട്രൂകോളര് അസിസ്റ്റന്റിന്റെ സേവനം ലഭ്യമാകുകയുള്ളൂ.