ന്യൂഡല്ഹി: ഇറ്റലിയില് പൊതുതെരഞ്ഞെടുപ്പില് വിജയിച്ച തീവ്ര വലതുപക്ഷസഖ്യ നേതാവ് ജോര്ജിയ മെലോനിയെ അഭിനന്ദിച്ച് പ്രധാനമന്ത്രി നരേന്ദ്രമോദി.
ഇരു രാജ്യങ്ങളും തമ്മിലുള്ള ഉഭയകക്ഷി ബന്ധം ശക്തപ്പെടുത്തുന്നതിനായി ഒരുമിച്ച് പ്രവര്ത്തിക്കുമെന്ന് പ്രതീക്ഷിക്കുന്നതായി അദ്ദേഹം ട്വീറ്റ് ചെയ്തു.
ബ്രദേഴ്സ് ഓഫ് ഇറ്റലി 26 ശതമാനം സീറ്റുകള് നേടിയതോടെ ഇറ്റലിയില് തീവ്ര വലതുപക്ഷസഖ്യം അധികാരമുറപ്പിച്ചതായാണ് റിപ്പോര്ട്ടുകള്. അങ്ങനെയാണെങ്കില് ജോര്ജിയ മെലോണിയായിരിക്കും പ്രധാനമന്ത്രി സ്ഥാനത്തെത്തുക. ഇതോടെ ഇറ്റലിയില് പ്രധാനമന്ത്രിയാവുന്ന ആദ്യ വനിതയാവും മെലോണി.
തീവ്ര വലതുപക്ഷ സഖ്യത്തിന്റെ പ്രധാന എതിരാളിയായ ഡെമോക്രാറ്റിക് പാര്ട്ടിക്ക് 19ശതമാനം വോട്ടുകളാണ് ലഭിച്ചത്. ഒക്ടോബര് 13നാണ് ഇറ്റലിയിലെ പുതിയ പാര്ലമെന്റ് ആദ്യയോഗം ചേരുക. പുതിയ സര്ക്കാര് അധികാരമേല്ക്കുന്നതുവരെ മരിയോ ദ്രാഗി കാവല് പ്രധാനമന്ത്രിയായി തുടരും.