ദില്ലി: ഇന്ത്യന് ഓഹരി വിപണിയിലെ വാറന് ബഫറ്റ് രാകേഷ് ജുന്ജുന്വാല അന്തരിച്ചു. 62 വയസായിരുന്നു. മുംബൈയിലെ വസതിയില് വച്ച് ഇന്ന് പുലര്ച്ചെ ആരോഗ്യനില വഷളാവുകയായിരുന്നു.
തുടര്ന്ന് ഉടന് തന്നെ ആശുപത്രിയില് എത്തിക്കുകയും ചെയ്തു. എന്നാല് ജീവന് രക്ഷിക്കാനായില്ല.
5000 രൂപയുമായി നിക്ഷേപക രംഗത്തേക്ക് വന്ന അത്ഭുത മനുഷ്യനായിരുന്നു ജുന്ജുന്വാല. അവിടെ നിന്നും സ്വപ്രയത്നം കൊണ്ട് അദ്ദേഹം ഉന്നതങ്ങള് കീഴടക്കി. രാജ്യത്തെ അതിസമ്ബന്നരില് 36ാം സ്ഥാനത്തായിരുന്ന അദ്ദേഹത്തിന്റെ ആസ്തി മരിക്കുമ്ബോള് 5.8 ബില്യണ് ഡോളറായിരുന്നു.
1960 ജൂലൈ അഞ്ചിന് മുംബൈയില് ആയിരുന്നു അദ്ദേഹത്തിന്റെ ജനനം. മുംബൈയില് ആദായ നികുതി വകുപ്പ് ഉദ്യോഗസ്ഥനായിരുന്നു പിതാവ്. ബിരുദ പഠനത്തിന് ശേഷം ചാര്ട്ടേര്ഡ് അക്കൗണ്ടന്റായി. ഓഹരി വിപണിയില് നേട്ടങ്ങള് കൊയ്ത അദ്ദേഹം പില്ക്കാലത്ത് ആപ്ടെക് ലിമിറ്റഡ് ചെയര്മാനായും ഹംഗാമ ഡിജിറ്റല് മീഡിയ എന്റര്ടെയ്ന്മെന്റ് ചെയര്മാനായും പ്രവര്ത്തിച്ചു.