തിരുവനന്തപുരത്ത് റീല്സ് താരത്തെ പീഡനക്കേസില് പൊലീസ് അറസ്റ്റ് ചെയ്തിരുന്നു. നടന് ഉണ്ണി മുകുന്ദന്റെ കഥാപാത്രങ്ങളുടെ റീല്സ് വിഡിയോ ചെയ്ത് വൈറലായ യുവാവാണ് അറസ്റ്റിലായത്. ഇതുമായി ബന്ധപ്പെട്ട്, ചിലര് നടന് ഉണ്ണി മുകുന്ദന്റെ പേജിനു താഴെയും രസികന് കമന്റുകളുമായി എത്തി.
‘ഉണ്ണിയേട്ടനെ പൊലീസ് പിടിച്ചോ.. പോസ്റ്റ് കണ്ടു..’ എന്നാണ് ഒരു കമന്റ്. കമന്റിന് ഉണ്ണിയുട രസികല് മറുപടി കമന്റും വന്നു. ”ഞാന് ഇപ്പോള് ജയിലില് ആണ്. ഇവിടെ സൗജന്യ വൈഫൈ ഉണ്ട്, നിങ്ങളും വാ’ എന്നാണ് ഉണ്ണി മുകുന്തന്റെ മറുപടി. ഉണ്ണിയുടെ കമന്റിന് കയ്യടിച്ച് ആരാധകരടക്കം നിരവധിപേര് രംഗത്തുവന്നു.
ടിക്ടോക് ചെയ്യുന്നതിന്റെ ടിപ്സുകള് പഠിപ്പിക്കാമെന്നു പറഞ്ഞു സമൂഹമാധ്യമത്തിലൂടെ ബന്ധം സ്ഥാപിച്ചശേഷം, ലോഡ്ജില് വിളിച്ചുവരുത്തി പെണ്കുട്ടിയെ പീഡിപ്പിച്ച കേസിലാണ് ടിക് ടോക് താരം അറസ്റ്റിലായത്. ചിറയിന്കീഴ് വെള്ളല്ലൂര് കീഴ്പേരൂര് സ്വദേശി വിനീതിനെയാണു (25) കൊല്ലം സ്വദേശിനിയുടെ പരാതിയില് തമ്പാനൂര് പൊലീസ് അറസ്റ്റ് ചെയ്തത്.