ന്യുഡല്ഹി: നയതന്ത്ര ചാനല് വഴിയുള്ള സ്വര്ണക്കടത്തുമായി ബന്ധപ്പെട്ട കള്ളപ്പണം വെളുപ്പിക്കല് കേസില് നിര്ണായക സത്യവാങ്മൂലവുമായി എന്ഫോഴ്സ്മെന്റ് ഡയറക്ടറേറ്റ് സുപ്രീം േകാടതിയില്.
കേസുമായി ബന്ധപ്പെട്ട് പ്രതി സ്വപ്ന സുരേഷ് കോടതിയില് നല്കിയ രഹസ്യമൊഴിയുടെ പകര്പ്പ് സുപ്രീം കോടതിയില് സമര്പ്പിക്കാം. ഇതില് മുഖ്യമന്ത്രിക്കും കുടുംബത്തിനുമെതിരെ രഹസ്യമൊഴിയില് ആരോപണമുണ്ട്. ഭരണരംഗത്തെ ഉന്നതര്ക്കെതിരെ ആരോപണം ഉയരുന്ന സാഹചര്യത്തില് കേസിന്റെ വിചാരണ കേരളത്തിലെ സുഗമമായി നടക്കാന് പ്രയാസമാണെന്നും ഇ.ഡി പറയുന്നു. കേസിന്റെ വിചാരണ ബംഗലൂരുവിലെ പ്രത്യേക കോടതിയിലേക്ക മാറ്റണമെന്ന ഹര്ജിയിലാണ് ഇ.ഡിയുടെ വിശദീകരണം.
ഈ കേസിലെ പ്രതിയായ എം.ശിവശങ്കര് ഉന്നത പദവി വഹിക്കുന്നയാളാണ്. ഈ കേസിലെ മറ്റൊരു പ്രതിയായ സന്ദീപ് നായരെ ശിവശങ്കര് സ്വാധീനിച്ചു. അതിനുള്ള തെളിവുകള് കൈമാറാമെന്നും കോടതി മാറ്റത്തിനുള്ള കാരണമായി ഇ.ഡി ചൂണ്ടിക്കാട്ടുന്നു.