തിരുവനന്തപുരം: പേഴ്‌സണല്‍ സ്റ്റാഫുകളുടെ ശമ്ബളം കൂട്ടി വിദ്യാഭ്യാസ മന്ത്രി വി ശിവന്‍കുട്ടി. ഇതോടൊപ്പം തസ്തികയും ശമ്ബളവും വര്‍ദ്ധിപ്പിച്ച്‌ പൊതുഭരണ ഉത്തരവ് പുറപ്പെടുവിച്ചിട്ടുണ്ട്.
അഡീഷണല്‍ പി.എ തസ്തികയില്‍ ജോലി ചെയ്തിരുന്ന പി.എസ് ആനന്ദിനെ അസിസ്റ്റന്‍റ് പ്രൈവറ്റ് സെക്രട്ടറിയായും ക്ലാര്‍ക്ക് തസ്തികയില്‍ ജോലി ചെയ്തിരുന്ന കെ.സന്തോഷ് കുമാറിനെ അഡീഷണല്‍ പി.എ ആയും പുനര്‍നിയമിച്ചു. തസ്തിക മാറിയതോടെ എല്ലാവരുടെയും ശമ്ബളവും വര്‍ധിച്ചിരിക്കുകയാണ്.
ആനന്ദിന്‍റെ ശമ്ബളം 60,000 രൂപയില്‍ നിന്ന് 75,500 രൂപയായി ഉയരും. ക്ലര്‍ക്ക് തസ്തികയില്‍ ജോലി ചെയ്തിരുന്ന സന്തോഷ് കുമാറിന് 40,000 രൂപ മുതല്‍ 60,000 രൂപ വരെയാണ് ശമ്ബളം. ശമ്ബളം കൂടുന്നതോടെ ഇരുവരുടെയും പെന്‍ഷന്‍ തുകയും ആനുപാതികമായി വര്‍ദ്ധിക്കും.
