തിരുവനന്തപുരം: വിവാദ പ്രസംഗത്തിനുപിന്നാലെ എന്തിന് രാജിവയ്ക്കണമെന്ന് സാംസ്കാരിക-ഫിഷറീസ് മന്ത്രി സജി ചെറിയാന്.
എകെജി സെന്ററില് നടന്ന അവയ്ലബിള് സെക്രട്ടറിയേറ്റ് യോഗത്തില് പങ്കെടുത്തശേഷമാണ് മന്ത്രിയുടെ പ്രതികരണം. പറയാനുള്ളതെല്ലാം ഇന്നലെ പറഞ്ഞുവെന്നും സജി ചെറിയാന് പ്രതികരിച്ചു.
മുഖ്യമന്ത്രി പിണറായി വിജയന്, സിപിഎം സംസ്ഥാന സെക്രട്ടറി കോടിയേരി ബാലകൃഷ്ണ്, മന്ത്രിമാരായ വി.എന്. വാസവന്, മുഹമ്മദ് റിയാസ് തുടങ്ങിയവരും സെക്രട്ടറിയേറ്റ് യോഗത്തില് പങ്കെടുത്തിരുന്നു.
സെക്രട്ടറിയേറ്റ് യോഗത്തിന് മുന്പ് സര്ക്കാര് എജിയുമായി കൂടിയാലോചന നടത്തിയിരുന്നു. സംഭവത്തില് സര്ക്കാര് നിയമോപദേശവും തേടിയിരുന്നു.
അതേസമയം മന്ത്രിയുടെ രാജിക്കായി പ്രതിപക്ഷം സമ്മര്ദം വര്ധിപ്പിച്ചു.