തൃശൂര്: പെരിങ്ങല്ക്കുത്ത് ഡാമിന്റെ നാലാമത്തെ ഷട്ടര് കൂടി തുറന്നു. തമിഴ്നാട്ടിലെ പറമ്പിക്കുളം, തുണക്കടവ് ഡാമുകളില് നിന്നുള്ള വെള്ളത്തിന്റെ ഒഴുക്ക് കൂടുകയും വൃഷ്ടിപ്രദേശത്ത് മഴ ശക്തമാവുകയും ചെയ്ത സാഹചര്യത്തിലാണിത്.
ചാലക്കുടി പുഴയിലെ ജല നിരപ്പ് അപകട നിലയിലേക്ക് ഉയരാന് സാധ്യതയുള്ളതിനാല് തീരവാസികള് അടിയന്തരമായി മാറിത്താമസിക്കണം. അതേസമയം പറമ്പിക്കുളം ഡാമില് നിന്നും രാവിലെ മുതല് കൂടുതല് വെള്ളം ഒഴുക്കി വിടുകയും ചാലക്കുടിപ്പുഴയുടെ വൃഷ്ടിപ്രദേശത്ത് മഴ ശക്തമാവുകയും ചെയ്തതോടെ ചാലക്കുടി പുഴയില് വെള്ളം ഉയര്ന്നുകൊണ്ടിരിക്കുകയാണ്. തീരത്തുള്ളവര് ജാഗ്രത പാലിക്കണമെന്നും താഴ്ന്ന പ്രദേശങ്ങളിലുള്ളവര് സുരക്ഷിതസ്ഥാനങ്ങളിലേക്ക് എത്രയും പെട്ടെന്ന് മാറി താമസിക്കണമെന്നും എറണാകുളം ജില്ലാ കലക്ടര് അറിയിച്ചു.