ഇതാ OnePlus 12 ഇന്ത്യയിലെത്തി. ഏറ്റവും നൂതന പ്രോസസറും മികച്ച ഡിസ്പ്ലേയും ക്യാമറ സ്പെസിഫിക്കേഷനുമായാണ് ഫോണ് ലോഞ്ച് ചെയ്തിരിക്കുന്നത്.
64,000 രൂപ റേഞ്ചിലാണ് ഫോണ് വിപണിയില് വന്നിട്ടുള്ളത്. വണ്പ്ലസ് 12 ഫോണുകളുടെ പ്രത്യേകത എന്തെല്ലാമെന്ന് നോക്കാം. ഫോണ് സ്റ്റോറേജ് ഓപ്ഷനുകളും, അതിന് അനുസരിച്ച് വില എത്രയാകുമെന്നും മനസിലാക്കാം.
OnePlus 12 പ്രത്യേകത ഇവയെല്ലാം…
Qualcomm Snapdragon 8 Gen 3 SoC പ്രോസസറാണ് ഫോണിലെ പ്രോസസർ. ഇത് മള്ട്ടി ടാസ്ക്കിങ്ങിനും ഗെയിമിങ് പെർഫോമൻസിനും മികച്ചതാണ്. ഗെയിമിങ്ങില് ഈ പ്രോസസർ വേഗതയേറിയതും സുഗമവുമായ പ്രവർത്തനം നല്കുന്നു.
6.82 ഇഞ്ച് 2K ProXDR ഡിസ്പ്ലേയാണ് ഫോണിനുള്ളത്. ഇതിന് 1Hz മുതല് 120Hz വരെ റിഫ്രഷ് റേറ്റുണ്ട്. വണ്പ്ലസ് 12ന്റെ ഡിസ്പ്ലേ LTPO ടെക്നോളജി സപ്പോർട്ട് ചെയ്യുന്നു. 4500 നിറ്റ്സ് പീക്ക് ബ്രൈറ്റ്നസ് ആണ് ഫോണിലുള്ളത്.
80W SUPERVOOC ഫാസ്റ്റ് ചാർജിങ്ങും 50W AIRVOOC വയർലെസ് ചാർജിങ്ങും ഇതിന് വരുന്നു. ഫോണിന് പവർ നല്കുന്നതിന് 5,400 mAh ബാറ്ററി ഉള്പ്പെടുത്തിയിരിക്കുന്നു. വെറും 26 മിനിറ്റില് 0ത്തില് നിന്ന് 100 ശതമാനം ചാർജിലേക്ക് വണ്പ്ലസ് 12 എത്തുന്നു. ഇതിന് 100W SUPERVOOC വയർഡ് ചാർജർ ഉപയോഗിക്കാം.
OnePlus 12 ക്യാമറ
50MPയുടെ സോണി IMX581 ലെൻസുള്ള പ്രൈമറി ക്യാമറയാണ് ഇതിലുള്ളത്. വണ്പ്ലസ് അതിന്റെ ഫ്ലാഗ്ഷിപ്പ് ഫോണില് ട്രിപ്പിള് ക്യാമറ സെറ്റപ്പാണ് ഉള്പ്പെടുത്തിയത്. ഇവ OIS, EIS സപ്പോർട്ട് ചെയ്യുന്ന ക്യാമറ ഫോണാണ്.