ഡല്ഹി: 68-ാമത് ദേശീയ ചലച്ചിത്ര പുരസ്കാരങ്ങള് ഇന്ന് പ്രഖ്യാപിക്കും. ഡല്ഹിയിലെ നാഷണല് മീഡിയ സെന്ററില് നടത്തുന്ന വാര്ത്താ സമ്മേളനത്തില് വൈകീട്ട് നാലിനാണ് പ്രഖ്യാപനം. അയ്യപ്പനും കോശിയും, മാലിക് എന്നീ ചിത്രങ്ങള് മലയാളത്തില് നിന്ന് ഇടം പിടിച്ചതായാണ് റിപ്പോര്ട്ടുകള്. സൂര്യയും അപര്ണ ബാലമുരളിയും പ്രധാന വേഷത്തിലെത്തിയ തമിഴ് ചിത്രം ‘സൂരറൈ പോട്ര്’ മികച്ച ചിത്രങ്ങളുടെ പട്ടികയിലുണ്ട്.
‘സൂരറൈ പോട്രി’ലെ പ്രകടനത്തിന് സൂര്യയും അപര്ണ ബാലമുരളിയും മികച്ച നടന്, നടി പുരസ്കാരങ്ങള്ക്കായി പരി?ഗണനയിലുണ്ടെന്നാണ് വിവരം. അയ്യപ്പനും കോശിയും മികച്ച മലയാള ചിത്രം ആയേക്കും. ഈ ചിത്രത്തിലെ പ്രകടനത്തിന് ബിജു മേനോന് മികച്ച സഹനടനുള്ള അവാര്ഡിനായി പരിഗണിക്കപ്പെടുന്നുണ്ട്. മികച്ച ശബ്ദലേഖനത്തിനുള്ള പുരസ്കാരത്തിനാണ് മലയാള ചിത്രം മാലിക് പരിഗണിക്കുന്നതെന്നാണ് റിപ്പോര്ട്ടുകള്. മികച്ച നടന്മാരുടെ സാധ്യതാ പട്ടികയില് ബോളിവുഡ് താരം അജയ് ദേവ്ഗണുമുണ്ട്.