ഡല്ഹി: രാഹുല് ഗാന്ധിയുടെ വ്യാജ വിഡിയോ സംപ്രേഷണം ചെയ്ത ചാനല് അവതാരകനെ ഛത്തിസ്ഗഢ് പൊലീസ് അറസ്റ്റ് ചെയ്യും മുമ്പ് കസ്റ്റഡിയിലെടുത്തയു.പി പൊലീസ്.
സീടിവി അവതാരകന് രോഹിത് രഞ്ജനെയാണ് നോയിഡ പൊലീസ് തിരക്കിട്ടു കസ്റ്റഡിയില് എടുത്തത്.
വയനാട്ടിലെ ഓഫിസ് ആക്രമിച്ച എസ്എഫ്ഐക്കാര് കുട്ടികള് ആണെന്നും അവരോടു ക്ഷമിച്ചതായും രാഹുല് ഗാന്ധി പറഞ്ഞത് ഉദയ്പുര് കൊലപാതകവുമായി ബന്ധപ്പെടുത്തി ചാനല് സംപ്രേഷണം ചെയ്യുകയായിരുന്നു. ഉദയ്പുര് കൊല നടത്തിയത് കുട്ടികള് ആണെന്നും അവരോടു ക്ഷമിച്ചെന്നും രാഹുല് പറഞ്ഞതായാണ് ചാനല് വാര്ത്ത നല്കിയത്. ഇതേ വിഡിയോ മുന് കേന്ദ്രമന്ത്രിയും ബിജെപി നേതാവുമായ രാജ്യവര്ധന് സിങ് റാത്തോഡ് ഷെയര് ചെയ്തിരുന്നു. റാത്തോഡിനെതിരെയും പൊലീസ് കേസെടുത്തിട്ടുണ്ട്.
തെറ്റായ വാര്ത്ത നല്കിയതിനു ചാനല് ക്ഷമാപണം നടത്തിയിരുന്നു.