കോഴിക്കോട്: കനത്തമഴയുടെ തുടരുന്നതിനാല് 5 ജില്ലകളിലെ വിദ്യാഭ്യാസ സ്ഥാപനങ്ങള്ക്കു അതതു ജില്ലകളിലെ കലക്ടര്മാര് നാളെ അവധി പ്രഖ്യാപിച്ചു. വെള്ളിയാഴ്ച വരെ സംസ്ഥാനത്ത് അതിതീവ്ര മഴയ്ക്കു സാധ്യതയെന്നു കേന്ദ്ര കാലാവസ്ഥ വകുപ്പ് പ്രവചിച്ചിരുന്നു. ആലപ്പുഴ, കോട്ടയം, ഇടുക്കി, എറണാകുളം, തൃശൂര്, പാലക്കാട്, മലപ്പുറം, കോഴിക്കോട്, വയനാട്, കണ്ണൂര് ജില്ലകളില് ഇന്നു റെഡ് അലര്ട്ടാണ്.
കോഴിക്കോട് ജില്ലയില് അതിതീവ്ര മഴയുടെ പശ്ചാത്തലത്തില് പ്രഫഷണല് കോളജ് ഉള്പ്പെടെയുള്ള എല്ലാ വിദ്യാഭ്യാസ സ്ഥാപനങ്ങള്ക്കും ബുധനാഴ്ച അവധി.
തൃശൂര് ജില്ലയില് റെഡ് അലര്ട്ട് നിലനില്ക്കുന്നതിനാലും ശക്തമായ മഴ തുടരുന്നതിനാലും അങ്കണവാടികള് അടക്കം നഴ്സറി തലം മുതല് പ്രഫഷനല് കോളജുകള് ഉള്പ്പെടെയുള്ള എല്ലാ വിദ്യാഭ്യാസ സ്ഥാപനങ്ങള്ക്കും ബുധനാഴ്ച അവധിയായിരിക്കുമെന്ന് ജില്ലാ കലക്ടര് അറിയിച്ചു. പരീക്ഷകള് നേരത്തേ നിശ്ചയിച്ചതു പ്രകാരം നടക്കും.
ആലപ്പുഴ ജില്ലയില് പ്രഫഷനല് കോളജുകളും അങ്കണവാടികളും ഉള്പ്പെടെ എല്ലാ വിദ്യാഭ്യാസ സ്ഥാപനങ്ങള്ക്കും ബുധനാഴ്ച അവധി പ്രഖ്യാപിച്ചു.
എറണാകുളം ജില്ലയില് റെഡ് അലര്ട്ട് നിലനില്ക്കുന്ന സാഹചര്യത്തില് ജില്ലയിലെ പ്രഫഷണല് കോളജുകള് ഉള്പ്പെടെയുള്ള വിദ്യാഭ്യാസ സ്ഥാപനങ്ങള്ക്ക് ബുധനാഴ്ച്ച അവധി ആയിരിക്കുമെന്ന് കലക്ടര് രേണുരാജ് അറിയിച്ചു.
കോട്ടയം ജില്ലയില് അതിതീവ്രമഴയ്ക്കുള്ള സാധ്യതയെത്തുടര്ന്ന് റെഡ് അലേര്ട്ട് പ്രഖ്യാപിച്ച സാഹചര്യത്തില് ജില്ലയിലെ പ്രഫഷനല് കോളജുകള്, അങ്കണവാടികള് ഉള്പ്പെടെയുള്ള മുഴുവന് വിദ്യാഭ്യാസ സ്ഥാപനങ്ങള്ക്കും ബുധനാഴ്ച അവധി പ്രഖ്യാപിച്ച് ജില്ലാ കലക്ടര് പി.കെ. ജയശ്രീ ഉത്തരവായി.