കോഴിക്കോട്: പ്രമുഖ ഫിഷിങ് വ്ലോഗര് രാജേഷ് (35) കാനഡയില് വെള്ളച്ചാട്ടത്തില് അപകടത്തില് മരിച്ചു. തിരുവമ്പാടി കാളിയാംപുഴ പാണ്ടിക്കുന്നേല് ബേബിവാളിപ്ലാക്കല് വല്സമ്മ ദമ്പതിമാരുടെ മകനായ രാജേഷ് വര്ഷങ്ങളായി കാനഡയിലാണ്.
ഓഗസ്റ്റ് മൂന്നിന് പുലര്ച്ചെ ഫിഷിങ്ങിനായി കാനഡയിലെ താമസസ്ഥലത്തുനിന്ന് പോയ രാജേഷിനെക്കുറിച്ച് യാതൊരു വിവരവും ഇല്ലായിരുന്നു. തുടര്ന്ന് വെല്ഡ് ലൈഫ് ഏജന്സിയും ആര്.സി.എം.പി.യും നടത്തിയ തിരച്ചിലില് ലിങ്ക്സ് ക്രീക്ക് ക്യാമ്ബ് ഗ്രൗണ്ടില് വാഹനം കണ്ടെത്തി.
അവിടെനിന്ന് ഏകദേശം 400 മീറ്റര് അകലെയുള്ള വെള്ളച്ചാട്ടത്തില്നിന്നാണ് മൃതദേഹം കണ്ടെത്തിയത്. കൈയില്നിന്നുപോയ ഫിഷിങ് ബാഗ് ചൂണ്ടവെച്ച് എടുക്കാനുള്ള ശ്രമത്തിനിടയില് തെന്നിവീഴുകയായിരുന്നുവെന്നാണ് പ്രാഥമിക നിഗമനം.
മെഡിസിന് ഹാറ്റ് ക്രിക്കറ്റ് അസോസിയേഷന് പി.ആര്.ഒ. ആയിരുന്നു. ഭാര്യ: അനു പനങ്ങാടന് (തൃശ്ശൂര്). മകന്: ഏദന്. സഹോദരി: സോണിയ നിഖില് (കുഴിഞ്ഞാലില്, കൂടരഞ്ഞി). സംസ്കാരം പുല്ലൂരാംപാറ സെയ്ന്റ് ജോസഫ്സ് പള്ളിയില് പിന്നീട്.