കണ്ണൂര്‍: (www.kvartha.com) പ്രായപൂര്‍ത്തിയാകാത്ത പെണ്‍കുട്ടിയെ പീഡിപ്പിച്ചെന്ന കേസില്‍ യുവാവിന് 22 വര്‍ഷം തടവും 80,000 രൂപ പിഴയും ശിക്ഷ വിധിച്ചു.
മണി(48)നെയാണ് തളിപ്പറമ്ബ് അതിവേഗ പോക്സോ കോടതി ജഡ്ജി സി മുജീബ് റഹ് മാന്‍ ശിക്ഷിച്ചത്. 2017 മാര്‍ച് നാലിനായിരുന്നു കേസിനാസ്പദമായ സംഭവം.
16 കാരിയായ പെണ്‍കുട്ടിയെ പ്രതി നിരന്തരമായി ലൈംഗികമായി പീഡിപ്പിക്കുകയും ജനനേന്ദ്രിയം പിടിപ്പിക്കുകയും ചെയ്തുവെന്നാണ് കേസ്. മൂന്ന് വകുപ്പുകളിലായാണ് ശിക്ഷ. അന്നത്തെ തളിപ്പറമ്ബ് എസ്‌ഐ പി എ ബിനു മോഹനും സിഐ പി കെ സുധാകരനുമാണ് കേസ് രജിസ്റ്റര്‍ ചെയ്ത് പ്രതിയെ അറസ്റ്റ് ചെയ്തത്. പ്രോസിക്യൂഷന് വേണ്ടി അഡ്വ. ഷെറിമോള്‍ ജോസ് ഹാജരായി.
