അനില്‍ തോമസ് തിരക്കഥയെഴുതി സംവിധാനം ചെയ്യുന്ന പുതിയ ചിത്രമാണ് ഇതുവരെ. സുരഭി ലക്ഷ്മിക്ക് മികച്ച നടിക്കുള്ള ദേശീയ പുരസ്‌കാരം നേടിക്കൊടുത്ത മിന്നാമിനുങ്ങിന്റെ സംവിധായകന്‍ ആണ് അനില്‍ തോമസ്.
ചിത്രത്തിലെ നായകകഥാപാത്രത്തെ അവതരിപ്പിക്കുന്നത് കലാഭവന്‍ ഷാജോണ്‍ ആണ്. “ഇതുവരെ” അനില്‍തോമസ് സംവിധാനം ചെയ്യുന്ന മൂന്നാമത്തെ ചിത്രമാണ്. ക്രൈംസ്റ്റോറി എന്നൊരു സിനിമയും മിന്നാമിനുങ്ങിന് മുമ്ബ് അദ്ദേഹം സംവിധാനം ചെയ്തിട്ടുണ്ട്. ഇതുവരെ മിന്നാമിനുങ്ങ് പോലെ ഒരു ഓഫ് ബീറ്റ് ചിത്രമാണ് . ഒരു പാരിസ്ഥിതിക വിഷയമാണ് ഇത്തവണ ഈ ചിത്രത്തിലൂടെ പറയാന്‍ ശ്രമിക്കുന്നതെന്നും സംവിധായകന്‍ പറഞ്ഞു.
