അധ്യാപകന്റെ മര്ദനമേറ്റ് ദളിത് ബാലന് മരണപ്പെട്ട സംഭവത്തില് പ്രതിഷേധിച്ച് കോണ്ഗ്രസ് കൗണ്സിലര്മാര് രാജിവെച്ചു.
രാജസ്ഥാനിലെ ബാരന് മുനിസിപ്പല് കൗണ്സിലിലെ 12 കോണ്ഗ്രസ് കൗണ്സിലര്മാരാണ് മുഖ്യമന്ത്രി അശോക് ഗെലോട്ടിന് രാജിക്കത്ത് അയച്ചത്. ദളിതര്ക്കെതിരായ ആക്രമണങ്ങളില് പ്രതിഷേധം രേഖപ്പെടുത്തിയ ഇവര് എംഎല്എ സ്ഥാനം രാജിവെച്ച പനാചന്ദ് മേഘ്വാളിന് പിന്തുണയും പ്രഖ്യാപിച്ചുഅത്രു മണ്ഡലത്തിലെ എംഎല്എയായിരുന്ന പനാചന്ദ് തിങ്കളാഴ്ച്ചയാണ് മുഖ്യമന്ത്രി അശോക് ഗെലോട്ടിന് രാജിക്കത്ത് സമര്പ്പിച്ചത്. കോണ്ഗ്രസ് നേതാവും രാജസ്ഥാന് മുന് ഉപമുഖ്യമന്ത്രിയുമായ സച്ചിന് പൈലറ്റ് മരണപ്പെട്ട കുട്ടിയുടെ വീട് സന്ദര്ശിച്ചു. സംസ്ഥാന കോണ്ഗ്രസ് അധ്യക്ഷന് ഗോവിന്ദ് സിംഗ് ദോതസ്ര, വനിതാശിശുക്ഷേമ വകുപ്പ് മന്ത്രി മംമ്താ ഭൂപേഷ്, പൊതുമരാമത്ത് വകുപ്പ് മന്ത്രി ഭജന് ലാല് ജാതവ് എന്നിവരും കുട്ടിയുടെ വീട്ടിലെത്തി.
പാര്ട്ടി ഫണ്ടില് നിന്ന് കുട്ടിയുടെ കുടുംത്തിന് 20 ലക്ഷം രൂപ ധനസഹായം പ്രഖ്യാപിച്ച കോണ്ഗ്രസ് സംസ്ഥാന അധ്യക്ഷന് വിചാരണ വേഗത്തിലാക്കുമെന്ന ഉറപ്പും നല്കി. എംഎല്എ മേഘ്വാളിന്റെ രാജിയെ പിന്തുണച്ചാണ് 25 അംഗ കോണ്ഗ്രസ് കൗണ്സിലര്മാരില് 12 പേരും രാജിവെച്ചത്.