ന്യൂഡെല്‍ഹി: (www.kvartha.com) സി ബി എസ് ഇ 10,12 ക്ലാസുകളിലെ പ്രാക്ടികല്‍ പരീക്ഷകള്‍ ജനുവരി രണ്ടു മുതല്‍ ഫെബ്രുവരി 14 വരെ നടക്കും.
ഇതിനുള്ള മാര്‍ഗനിര്‍ദേശങ്ങള്‍ പുറപ്പെടുവിച്ചു.
പ്രാക്ടികല്‍ പരീക്ഷ/ പ്രോജക്‌ട് അസെസ്‌മെന്റ് / ഇന്റേണല്‍ അസെസ്‌മെന്റ് നിശ്ചിതസമയത്തിനുള്ളില്‍ പൂര്‍ത്തിയാക്കി സ്‌കൂളുകള്‍ മാര്‍ക്/ഇന്റേണല്‍ ഗ്രേഡുകള്‍ അപ്ലോഡ് ചെയ്യണം. നിശ്ചിതദിവസം പരീക്ഷയില്‍ പങ്കെടുക്കാന്‍ കഴിയാത്ത വിദ്യാര്‍ഥിക്ക് സമയപരിധിക്കുള്ളില്‍ തന്നെ മറ്റൊരു ദിവസം അനുവദിക്കണം. സമയപരിധി അവസാനിച്ചശേഷം പരീക്ഷയെഴുതാന്‍ പ്രത്യേക അനുമതി നല്‍കില്ല.
