ശ്രീനഗര്‍: മോശം കാലാവസ്ഥ തുടരുന്ന സാഹചര്യത്തില്‍ അമര്‍നാഥ് തീര്‍ഥാടനത്തിന് ഏര്‍പ്പെടുത്തിയ താല്‍ക്കാലിക വിലക്ക് നീട്ടാന്‍ തീരുമാനം.
ഇതോടെ തീര്‍ഥാടനം ഉടന്‍ പുനഃരാരംഭിക്കുമെന്ന പ്രതീക്ഷയില്‍ ജമ്മുവില്‍ നിന്ന് 6000 പേരടങ്ങുന്ന സംഘം പുറപ്പെട്ടെങ്കിലും ബേസ് ക്യാംപിലേക്കു പോകാന്‍ ഇവരെ അനുവദിച്ചില്ല.
അതേസമയം അമര്‍നാഥില്‍ ഉണ്ടായ ദുരന്തത്തില്‍ മരിച്ച ആളുകളുടെ എണ്ണം 17 ആയി ഉയര്‍ന്നു. ഇനിയും കാണാതായ 40 പ്രദേശത്ത് നിന്നും കണ്ടെത്താനുണ്ട്. കൂടാതെ അമര്‍നാഥ് പാതയില്‍ കഴിഞ്ഞദിവസം കുടുങ്ങിപ്പോയ മഹാരാഷ്ട്രയിലെ ബീഡില്‍ നിന്നുള്ള 63 തീര്‍ഥാടകരെ രക്ഷിച്ചു ജമ്മു, ശ്രീനഗര്‍ എന്നിവിടങ്ങളില്‍ എത്തിച്ചതായി അധികൃതര്‍ വ്യക്തമാക്കി.
ഈ വര്‍ഷത്തെ പത്താമത്തെ തീര്‍ഥാടക സംഘത്തില്‍ പെട്ടവര്‍ ആണ് അപകടം പെട്ടത്. ജൂണ്‍ 30ന് ആരംഭിച്ച തീര്‍ഥാടനത്തില്‍ ഇതിനകം ഒരുലക്ഷത്തിലേറെ പേര്‍ പങ്കെടുത്തെന്നാണ് കണക്ക്. ഓഗസ്റ്റ് 11ആം തീയതിയാണ് 43 ദിവസം നീളുന്ന തീര്‍ഥാടനം അവസാനിക്കുക.
