തിരുവനന്തപുരം: എകെജി സെന്റര് ആക്രമണ കേസില് രണ്ട് പേരെ കൂടി പ്രതി ചേര്ത്തു. യൂത്ത് കോണ്ഗ്രസ് ജില്ലാ സെക്രട്ടറി സുഹൈല് ഷാജഹാന്, ആറ്റിപ്രയിലെ പ്രാദേശിക കോണ്ഗ്രസ് പ്രവര്ത്തക നവ്യ ടി എന്നിവരെയാണ് കേസില് പ്രതി ചേര്ത്തത്.
ഗൂഢാലോചന കുറ്റം ചുമത്തിയാണ് ക്രൈംബ്രാഞ്ച് ഇരുവരെയും പ്രതി ചേര്ത്തിരിക്കുന്നത്. രണ്ട് പേരും ഒളിവിലാണ്.
എകെജി സെന്റര് ആക്രണത്തിനായി യൂത്ത് കോണ്ഗ്രസ് പ്രവര്ത്തകന് ജിതിന് ഉപയോഗിച്ചിരുന്നു ഡിയോ സ്കൂട്ടര് സുഹൈല് ഷാജഹാന്റെ ഡ്രൈവറുടെയാണെന്നാണ് ക്രൈംബ്രാഞ്ചിന്റെ കണ്ടെത്തല്. സംഭവ ദിവസം ഈ സ്കൂട്ടര് രാത്രി പത്തരയോടെ ഗൗരിശപട്ടത്തെത്തിച്ച് ജിതിന് കൈമാറിയത് ആറ്റിപ്ര സ്വദേശിയും യൂത്ത് കോണ്ഗ്രസ് പ്രാദേശിക നേതാവുമായി നവ്യയാണ്.
നവ്യ എത്തിച്ച സ്കൂട്ടറോടിച്ച് എകെജി സെന്ററില് സ്ഫോടക വസ്തു എറിഞ്ഞ ശേഷം ജിതിന് ഗൗരിശപട്ടത്ത് മടങ്ങിയെത്തി സ്കൂട്ടര് തിരിച്ചു നല്കി.ജൂണ് 30ന് രാത്രിയിലാണ് എകെജി സെന്ററിന് നേരെ സ്ഫോടകവസ്തു എറിഞ്ഞത്. സ്കൂട്ടറിലെത്തിയ ആള് ആണ് ആക്രമണം നടത്തിയതെന്ന് സിസിടിവി ദൃശ്യങ്ങളില് വ്യക്തമായിരുന്നു.