കൊച്ചി: പള്സര് സുനിയും ദിലീപും ഒന്നിച്ചുള്ള ചിത്രം മോര്ഫ് ചെയ്തതെന്ന ആര് ശ്രീലേഖയുടെ വാദം തെറ്റെന്ന് ഫോട്ടോ എടുത്ത ബിദില്. ഷൂട്ടിംഗ് ലൊക്കേഷനില് വെച്ച് തന്റെ ഫോണില് എടുത്ത സെല്ഫിയാണിതെന്നും ഫോട്ടോയില് എഡിറ്റ് വരുത്തിയിട്ടില്ലെന്നും ബിദില് പറഞ്ഞു. ഫോട്ടോ കോടതിയില് സമര്പ്പിച്ചിട്ടുണ്ടെന്നും ബിദില് വിശദീകരിച്ചു.
നടിയെ ആക്രമിച്ച കേസ് നിര്ണ്ണായക ഘട്ടത്തില് എത്തി നില്ക്കെയാണ് ആര് ശ്രീലേഖ തന്റെ യൂട്യൂബ് വീഡിയോയിലൂടെ ദിലീപിനെ അനുകൂലിച്ച് പൊലീസിനെതിരെ ആരോപണം ഉയര്ത്തുന്നത്. ദിലീപും പള്സര് സുനിയും തമ്മിലുള്ള ഫോട്ടോ വ്യാജം ആണെന്നും ഇരുവരും ഒരേ ടവര് ലൊക്കേഷനില് വന്നിരുന്നു എന്നത് വിശ്വാസ്യ യോഗ്യമല്ലെന്നുമാണ് ശ്രീലേഖ പറഞ്ഞത്.