ചങ്ങനാശേരി : മുന്നാക്ക സമുദായ ഹയര് സെക്കന്ഡറി സ്കൂളുകളിലെ ഒന്നാം വര്ഷ പ്രവേശനത്തിനു സര്ക്കാര് നല്കിയിട്ടുള്ള 10% സമുദായ സംവരണം റദ്ദാക്കിയ ഹൈക്കോടതി ഉത്തരവിനെതിരെ എന്എസ്എസ് അപ്പീല് നല്കുമെന്നു ജനറല് സെക്രട്ടറി ജി.സുകുമാരന് നായര് അറിയിച്ചു.
ന്യൂനപക്ഷ, പിന്നാക്ക ഇതര സമുദായങ്ങളുടെ സ്കൂളുകള്ക്കു നല്കിയിട്ടുള്ള 10% സംവരണം മുന്നാക്ക വിഭാഗ സ്കൂളുകള്ക്ക് അവകാശപ്പെട്ട സമുദായ സംവരണമാണെന്ന് അദ്ദേഹം പറഞ്ഞു. സര്ക്കാര് കണക്കനുസരിച്ച് ആകെയുള്ള എയ്ഡഡ് സ്കൂളുകളില് മുന്നാക്ക സമുദായങ്ങളുടെ സ്കൂളുകള് 10 ശതമാനത്തില് കുറവാണ്.
സമുദായ സംവരണം ഇല്ലാതാകുന്നത് ആ വിഭാഗത്തില്പെട്ട കുട്ടികളുടെ വിദ്യാഭ്യാസത്തെ സാരമായി ബാധിക്കും. ഇതിനാലാണ് കോടതി വിധിക്കെതിരെ അപ്പീല് നല്കാന് തീരുമാനിച്ചതെന്നും സുകുമാരന് നായര് പറഞ്ഞു.