ചെന്നൈ: തമിഴ്നാട് ക്ഷീര വികസന വകുപ്പ് മന്ത്രി എസ് എം നാസര്‍ പാര്‍ട്ടി പ്രവര്‍ത്തകനെ കല്ലെടുത്ത് എറിഞ്ഞത് വലിയ വിവാദമാകുന്നു.
ബുധനാഴ്ച തിരുവള്ളൂരില്‍ മുഖ്യമന്ത്രി എം കെ സ്റ്റാലിന്‍ പങ്കെടുക്കുന്ന പൊതു പരിപാടിയുടെ ഒരുക്കം വിലയിരുത്താന്‍ എത്തിയ മന്ത്രിയാണ് പാര്‍ട്ടി പ്രവര്‍ത്തകനെ കല്ലെടുത്തെറിഞ്ഞത്. തനിക്ക് ഇരിക്കാന്‍ കസേര കൊണ്ടുവരാന്‍ വൈകിയതില്‍ ക്ഷുഭിതനായാണ് മന്ത്രി കല്ലെടുത്ത് പ്രവര്‍ത്തകനെ എറിഞ്ഞത്.
ദൃശ്യം സാമൂഹിക മാധ്യമങ്ങളില്‍ വൈറലായതോടെ എസ് എം നാസറിനെതിരെ വലിയ വിമര്‍ശനം ഉയരുന്നുണ്ട്. എന്നാല്‍ വിവാദം കത്തുമ്ബോഴും മന്ത്രിയോ ഡി എം കെയോ വിഷയത്തില്‍ ഇതുവരെ പ്രതികരിച്ചിട്ടില്ല.
