തിരുവനന്തപുരം: പ്ലസ് വണ് ക്ലാസ്സുകള് ഈ മാസം 25ന് തുടങ്ങുമെന്ന് വിദ്യാഭ്യാസമന്ത്രി വി ശിവന്കുട്ടി പറഞ്ഞു. രണ്ടാം ഘട്ട അലോട്ട്മെന്റ് 15 ന് പ്രസിദ്ധീകരിച്ച് 16, 17 തീയതികളില് പ്രവേശനം നടക്കും. മൂന്നാം ഘട്ട അലോട്ട്മെന്റ് 22 ന് പ്രസിദ്ധീകരിച്ച് 25 ന് പ്രവേശനം നടക്കും.
സംസ്ഥാന സ്കൂള് കലോത്സവം 2023 ജനുവരി 3 മുതല് ഏഴ് വരെ കോഴിക്കോട് നടക്കുമെന്നും മന്ത്രി പറഞ്ഞു. ശാസ്ത്രോല്സവം നവംബറില് എറണാകുളത്തും കായിക മേള തിരുവനന്തപുരത്തും സംഘടിപ്പിക്കും.
ഖാദര് കമ്മിറ്റി റിപ്പോര്ട്ട് നടപ്പിലാക്കും. സ്കൂളിലെ ഉച്ച ഭക്ഷണ പദ്ധതിയ്ക്കായി 126 കോടി സര്ക്കാര് അനുവദിച്ചിട്ടുണ്ട്. 142 കോടി അനുവദിക്കണമെന്ന് കേന്ദ്രസര്ക്കാരിനോട് ആവശ്യപ്പെട്ടു; മന്ത്രി പറഞ്ഞു.