തിരുവനന്തപുരം: വെറ്ററിനറി സര്‍വകലാശാല വൈസ് ചാന്‍സലര്‍ എം.ആര്‍. ശശീന്ദ്രനാഥിന് കാരണം കാണിക്കല്‍ നോട്ടീസ് നല്‍കിയേക്കും.
പിരിച്ചുവിടാതിരിക്കാന്‍ എന്തെങ്കിലും കാരണമുണ്ടോയെന്ന് വിശദീകരിക്കാന്‍ ഗവര്‍ണര്‍ ആരിഫ് മുഹമ്മദ് ഖാന്‍ ആവശ്യപ്പെടും. ഹൈക്കോടതി വിധിയുടെ പശ്ചാത്തലത്തിലാണ് ഗവര്‍ണറുടെ നീക്കം.
കോടതി ഉത്തരവിനെ തുടര്‍ന്ന് ഫിഷറീസ് സര്‍വകലാശാല വി.സിക്ക് സ്ഥാനം നഷ്ടമായിരുന്നു. യു.ജി.സി ചട്ടങ്ങള്‍ ലംഘിച്ചാണ് നിയമനം നടത്തിയതെന്ന് കോടതി കണ്ടെത്തി. വെറ്ററിനറി സര്‍വകലാശാല വി.സി നിയമനത്തിലും സമാനമായ പ്രശ്നങ്ങള്‍ ഉണ്ടാകുമെന്നാണ് നിഗമനം.
