യുഎഇ: മൂന്ന് ദിവസത്തെ ഔദ്യോഗിക സന്ദര്ശനത്തിനായി വിദേശകാര്യമന്ത്രി എസ് ജയശങ്കര് യുഎഇയിലെത്തി. യു.എ.ഇ.
വിദേശകാര്യ, അന്താരാഷ്ട്ര സഹകരണ മന്ത്രി ഷെയ്ഖ് അബ്ദുല്ല ബിന് സായിദ് അല് നഹ്യാനുമായി അദ്ദേഹം കൂടിക്കാഴ്ച നടത്തും.
യു.എ.ഇയിലെ ഇന്ത്യന് അംബാസഡര് സഞ്ജയ് സുധീര്, ദുബായിലെ കോണ്സുല് ജനറല് ഡോ.അമീന് പുരി, യു.എ.ഇ വിദേശകാര്യ, അന്താരാഷ്ട്ര സഹകരണ മന്ത്രാലയം അസിസ്റ്റന്റ് അണ്ടര്സെക്രട്ടറി എന്നിവരാണ് ജയശങ്കറിനെ സ്വീകരിച്ചത്. തുടര്ന്ന് അബുദാബിയിലെത്തിയ മന്ത്രി നിര്മ്മാണത്തിലിരിക്കുന്ന സിന്ധു മന്ദിര് സന്ദര്ശിച്ചു. വൈകിട്ട് യു.എ.ഇ മന്ത്രി ഷെയ്ഖ് നഹ്യാന് ബിന് മുബാറക് അല് നഹ്യാനുമായും ജയശങ്കര് കൂടിക്കാഴ്ച നടത്തി.
ഈ വര്ഷം ഫെബ്രുവരിയില് സമഗ്ര സാമ്ബത്തിക സഹകരണ കരാര് ഒപ്പുവച്ചതു മുതല് ഇരു രാജ്യങ്ങളും തമ്മിലുള്ള വ്യാപാര, നയതന്ത്ര ബന്ധങ്ങള് ദൃഢമായി. ജയശങ്കറിന്റെ സന്ദര്ശന വേളയില് ഇതുമായി ബന്ധപ്പെട്ട കൂടുതല് ചര്ച്ചകള് ഉണ്ടായേക്കും.