ന്യൂഡല്‍ഹി: യുക്രെയ്‌നിലെ സംഘര്‍ഷത്തിനിടെ വിദേശകാര്യ മന്ത്രി എസ്. ജയശങ്കര്‍ ഏഴിന് റഷ്യയിലെത്തും. സന്ദര്‍ശനത്തില്‍ വിവിധ മേഖലകളില്‍ ഇന്ത്യയും റഷ്യയും തമ്മിലുള്ള സാമ്ബത്തിക സഹകരണം ശ്രദ്ധേയമാകും.
ജയശങ്കര്‍ ഏഴ്, എട്ട് തീയതികളില്‍ റഷ്യ സന്ദര്‍ശിക്കുമെന്നും വിദേശകാര്യ മന്ത്രി സെര്‍ജി ലാവ്‌റോവ്, ഉപപ്രധാനമന്ത്രിയും വാണിജ്യ വ്യവസായ മന്ത്രിയുമായ ഡെനിസ് മാന്റുറോവ് എന്നിവരുമായി ചര്‍ച്ച നടത്തുമെന്നും വിദേശകാര്യ മന്ത്രാലയം അറിയിച്ചു. കഴിഞ്ഞയാഴ്ചയാണ് ജയശങ്കറിന്റെ സന്ദര്‍ശനം റഷ്യ പ്രഖ്യാപിച്ചത്. വിവിധ മേഖലകളിലെ ഉഭയകക്ഷി സാമ്ബത്തിക സഹകരണം സംബന്ധിച്ചും അദ്ദേഹം ചര്‍ച്ച നടത്തും.
