പത്തനംതിട്ട: വാടകക്ക് എടുത്ത വീട്ടില് കച്ചവടത്തിനായി സൂക്ഷിച്ച 30 ലക്ഷത്തോളം രൂപ വിലയുള്ള നിരോധിത പുകയില ഉല്പന്നങ്ങള് പിടികൂടി.ദിവസങ്ങളോളം നടത്തിയ നിരീക്ഷണത്തിനൊടുവില് കഴിഞ്ഞ ദിവസം രാവിലെ ഡാന്സാഫ് സംഘത്തിന്റെയും, ആറന്മുള പോലീസിന്റെയും സംയുക്ത പരിശോധനയിലാണ് നിരോധിത പുകയില ഉല്പന്നങ്ങള് പിടിച്ചെടുത്തത്.
സീതത്തോട് സ്വദേശി ബിനുരാജ് വാടകയ്ക്കെടുത്ത കോഴഞ്ചേരി മുത്തൂറ്റ് ആശുപത്രിക്ക് സമീപത്തെ വീട്ടില് നിന്നുമാണ് ഇവ കണ്ടെടുത്തത്.
വിവിധ ഇനത്തില്പെട്ട 37,000 ത്തില്അധികം പുകയില ഉല്പന്ന പായ്ക്കറ്റുകളാണ് ഉണ്ടായിരുന്നത്. രാവിലെ പത്തു മണിയോടെ ആരംഭിച്ച റെയ്ഡ് ഉച്ചക്ക് ശേഷവും തുടര്ന്നു. ജില്ല പോലീസ് മേധാവി സ്വപ്നില് മധുകര് മഹാജന് സ്ഥലം സന്ദര്ശിച്ചു. സംഭവത്തില് ബിനുരാജിന്റെ അടുത്ത ബന്ധുക്കളായ ദമ്ബതികളെ കസ്റ്റഡിയിലെടുത്തു. ഡിവൈ. എസ് പിയുടെ നേതൃത്വത്തില് ഇവരെ വിശദമായി ചോദ്യം ചെയ്തുവരികയാണ്.
ആറന്മുള പൊലീസ് ഇന്സ്പെക്ടര് സി.കെ. മനോജ്, ഡാന്സാഫ് സംഘത്തിലെ എസ്.ഐ അജി സാമുവല്, സി.പി.ഒമാരായ മിഥുന് ജോസ്, ശ്രീരാജ്, അഖില്, ബിനു, സുജിത് എന്നിവരും, ആറന്മുള എസ്.ഐ അനിരുദ്ധന്, എ.എസ്.ഐ വിനോദ്, എസ്.സി.പി ഓ സുജ, സി.പി.ഒ രാകേഷ് എന്നിവരും പരിശോധനയില് പങ്കെടുത്തു.