ജോലിയില്‍ നിന്നും വിരമിക്കുന്ന പ്രായം ആസ്വദിക്കാന്‍ കൂടിയുള്ളതാണ്. ജീവിതത്തില്‍ പിന്നത്തേക്ക് മാറ്റി വെച്ച പല കാര്യങ്ങളും മടികൂടാതെ ചെയ്യാന്‍ നിങ്ങള്‍ക്ക് സാധിക്കും.
എന്നാല, പണം എങ്ങനെ വിവേകത്തോടെ കൈകാര്യം ചെയ്യാമെന്ന കാര്യത്തെ കുറിച്ച ആദ്യം കൃത്യമായ ഒരു ധാരണ ഉണ്ടായിരിക്കണം. 60 വയസ്സിനു മുകളിലുള്ള സ്ത്രീകള്‍ക്കായി ഇതാ ചില സാമ്ബത്തിക നുറുങ്ങുകള്‍.
നിങ്ങളുടെ അരക്ഷിതാവസ്ഥയ്ക്ക് വിശ്രമം നല്‍കുക
പണം കൈകാര്യം ചെയ്യുന്നത് തങ്ങള്‍ക്ക് പറ്റിയ പണിയല്ലെന്ന് ചില സ്ത്രീകളെങ്കിലും കരുതുന്നുണ്ടാകാം. കാര്യങ്ങള്‍ മെച്ചമായി മാറുമ്ബോള്‍, പണം കൃത്യമായ രീതിയില്‍ ചിലവഴിക്കാന്‍ ശ്രദ്ധിക്കണം. ഈ പ്രായത്തിലുള്ള പല സ്ത്രീകളും അവരുടെ ഭര്‍ത്താവിന്റെ മരണശേഷം ആദ്യമായിട്ടായിരിക്കും സാമ്ബത്തികം കൈകാര്യം ചെയ്യുന്നത്. അതിനാല്‍, മുതിര്‍ന്ന സ്ത്രീകള്‍ അവരുടെ കഴിവുകളില്‍ ആശങ്കപ്പെടുകയും സംശയിക്കുകയും ചെയ്യുന്നത് സാധാരണമാണ്.
അതിനാല്‍, ഇതിനുമുന്‍പ് സാമ്ബത്തികം കൈകാര്യം ചെയ്യാത്ത സ്ത്രീകള്‍ അവരുടെ അരക്ഷിതാവസ്ഥ ഇല്ലാതാക്കുക എന്നതാണ് ആദ്യം ചെയ്യേണ്ടുന്നത്. ഒരു സാമ്ബത്തിക ഉപദേഷ്ടാവ് ഉള്ളത് സ്ത്രീകളെ അവരുടെ സാമ്ബത്തിക ചുമതല ഏറ്റെടുക്കാനും ശരിയായ തിരഞ്ഞെടുപ്പ് നടത്താനും വളരെയധികം സഹായിക്കും.
സാമ്ബത്തിക അറിവ് നേടുക
നിക്ഷേപങ്ങള്‍ ഉള്‍പ്പെടെ ഏത് വിഷയത്തിലും എപ്പോള്‍ വേണമെങ്കിലും അറിവ് നേടാം. നിക്ഷേപം നടത്തുന്നതിന് മുമ്ബ് നിക്ഷേപങ്ങളുടെയും സാമ്ബത്തിക ലോകത്തിന്റെയും വിവിധ വശങ്ങള്‍ മനസ്സിലാക്കേണ്ടത് പ്രധാനമാണ്. ഇക്കാര്യങ്ങള്‍ കുറിച്ചുള്ള അറിവ് പണം കൈകാര്യം ചെയ്യുമ്ബോള്‍ നിങ്ങള്‍ക്ക് കൂടുതല്‍ ആത്മവിശ്വാസം നല്‍കും. വ്യത്യസ്ത നിക്ഷേപ ഓപ്ഷനുകളുമായി ബന്ധപ്പെട്ട അപകടസാധ്യതകള്‍ മനസിലാക്കണം.
വിരമിക്കലിന് തയ്യാറാകൂ
വിരമിച്ചതിന് ശേഷവും ജോലി തുടരണോ അതോ പാര്‍ട്ട് ടൈം ജോലി നേടണോ തുടങ്ങിയ കാര്യങ്ങളില്‍ വ്യക്തത വരുത്തുക. സുഖപ്രദമായ ജീവിതം നയിക്കാന്‍ നിങ്ങളെ സഹായിക്കുന്ന ഫണ്ടുകള്‍ ഉണ്ടോയെന്ന് പരിശോധിക്കുക. പ്രതീക്ഷിക്കുന്ന റിട്ടയര്‍മെന്റ് വരുമാനവുമായി ജീവിതച്ചെലവ് ക്രമീകരിക്കുക. ജോലി തുടരുന്നില്ല എങ്കില്‍, പണം ആവശ്യമായ അളവില്‍ ഉണ്ടോയെന്ന് ഉറപ്പുവരുത്തുക.
ഒരു നിക്ഷേപ പ്ലാന്‍ സൃഷ്ടിക്കുക. ഇക്വിറ്റി മ്യൂച്വല്‍ ഫണ്ടുകള്‍ അല്ലെങ്കില്‍ ഉയര്‍ന്ന നിലവാരമുള്ള കമ്ബനികളുടെ ഓഹരികള്‍ പോലുള്ള ഇക്വിറ്റി നിക്ഷേപങ്ങള്‍ ദീര്‍ഘകാലാടിസ്ഥാനത്തില്‍ ന്യായമായ വരുമാനം നേടാനും പണപ്പെരുപ്പത്തെ മറികടക്കാനും നിങ്ങളെ സഹായിക്കും. വ്യക്തിഗത സ്റ്റോക്കുകളിലോ മ്യൂച്വല്‍ ഫണ്ടുകളിലോ നിക്ഷേപിക്കാന്‍ നിങ്ങള്‍ ആഗ്രഹിക്കുന്നില്ലെങ്കില്‍, ഇക്വിറ്റികളേക്കാള്‍ താരതമ്യേന അസ്ഥിരമായ ഡെറ്റ് ഫണ്ടുകള്‍ പരിഗണിക്കുക. എന്നിരുന്നാലും, നിങ്ങള്‍ 60-കളില്‍ ആണെങ്കില്‍, നിങ്ങള്‍ക്ക് 90 വര്‍ഷത്തില്‍ കൂടുതല്‍ ജീവിക്കാന്‍ കഴിയുമെന്നിരിക്കെ ഇക്വിറ്റികള്‍ പൂര്‍ണ്ണമായും ഒഴിവാക്കുന്നത് മികച്ച ഓപ്ഷനായിരിക്കില്ല.
എമര്‍ജന്‍സി ഫണ്ട് അവഗണിക്കരുത്
നിങ്ങളുടെ 60-കളില്‍ അടിയന്തിര ഫണ്ടും ഒരു പ്രധാന കാര്യമാണ്. ഗണ്യമായ തുക ആവശ്യമായി വന്നേക്കാവുന്ന അസുഖങ്ങളും മറ്റ് ആരോഗ്യ രോഗങ്ങളും ഉണ്ടാകാനുള്ള സാധ്യത കൂടുതലായതിനാല്‍ മുതിര്‍ന്ന സ്ത്രീകള്‍ക്ക് ആണ് ഇത് ഗുണം ചെയ്യുക. അപ്രതീക്ഷിത ചെലവുകള്‍ വരാന്‍ സാധ്യതയുണ്ട്. അതിനാല്‍, നിങ്ങളുടെ ഭാവി സാധ്യതകളുമായി യോജിപ്പിച്ച്‌ അടിയന്തര സാഹചര്യങ്ങള്‍ കൈകാര്യം ചെയ്യുന്ന അനുയോജ്യമായ കോര്‍പ്പസ് തുകയുള്ള ഒരു എമര്‍ജന്‍സി ഫണ്ട് ഉണ്ടായിരിക്കേണ്ടത് ആവശ്യമാണ്. മക്കളുടെ കൈയില്‍ നിന്നും പണം ചോദിക്കാമെങ്കിലും, അവരെ ആശ്രയിക്കാതിരിക്കുന്നതാണ് നല്ലത്.
സാമ്ബത്തിക രേഖകള്‍ പരിശോധിക്കുക
സ്ത്രീകള്‍ തങ്ങളുടെ പുരുഷന്‍മാരേക്കാള്‍ കൂടുതല്‍ കാലം ജീവിക്കുന്നു എന്നാണ് പഠനങ്ങള്‍ പറയുന്നത്. അതിനാല്‍, നിങ്ങള്‍ ഒരു ഭര്‍ത്താവുള്ള ഒരു മുതിര്‍ന്ന സ്ത്രീയാണെങ്കില്‍, നിങ്ങളുടെ ഭര്‍ത്താവ് നിലവില്‍ കൈകാര്യം ചെയ്യുന്ന സാമ്ബത്തിക വശങ്ങളില്‍ നിങ്ങളും താല്‍പ്പര്യം പ്രകടിപ്പിക്കുക. കൂടാതെ, നിലവിലുള്ള ലോണുകള്‍, ബില്ലുകള്‍, നിക്ഷേപങ്ങള്‍, ഇന്‍ഷുറന്‍സ് പോളിസികള്‍ എന്നിങ്ങനെയുള്ള അദ്ദേഹത്തിന്റെ സാമ്ബത്തിക രേഖകള്‍ തയ്യാറാക്കുകയും അതിനെ കുറിച്ച്‌ അറിവ് നേടുകയും ചെയ്യുക. അദ്ദേഹത്തിന്റെ മരണശേഷം ഈ കാര്യങ്ങള്‍ കണ്ടെത്തുന്നതില്‍ ഉണ്ടായേക്കാവുന്ന പരിചയക്കുറവ് ഇല്ലാതാക്കും. നിങ്ങളുടെ ഭര്‍ത്താവിന്റെ സാമ്ബത്തിക ഉപദേഷ്ടാവുമായോ ഇന്‍ഷുറന്‍സ് ഏജന്റുമാരുമായോ ഒരു മീറ്റിംഗ് സജ്ജീകരിക്കാന്‍ ആവശ്യപ്പെടുന്നതും ബുദ്ധിപരമായ തീരുമാനമാണ്. അതുവഴി നിങ്ങള്‍ക്ക് ആവശ്യമുള്ളപ്പോഴെല്ലാം അവരെ ബന്ധപ്പെടാനാകും.
റിട്ടയര്‍മെന്റ് കിറ്റിയില്‍ നിന്ന് പണം പിന്‍വലിക്കുന്നതെങ്ങനെ?
വ്യത്യസ്ത റിട്ടയര്‍മെന്റ് നിക്ഷേപ ഓപ്ഷനുകള്‍ ഉണ്ട്. ഇന്‍ഷുറന്‍സ് കമ്ബനികളുടെ NPS, പെന്‍ഷന്‍ പ്ലാനുകള്‍ തുടങ്ങിയ മിക്ക റിട്ടയര്‍മെന്റ് ഓപ്ഷനുകളുടെയും കാര്യത്തില്‍, നിങ്ങള്‍ക്ക് ഒരു ആന്വിറ്റി പ്ലാന്‍ വാങ്ങാനും നിങ്ങളുടെ മൊത്തം സംഭാവനയും ആന്വിറ്റി ടേമും അടിസ്ഥാനമാക്കി ഒരു നിശ്ചിത പ്രതിമാസ പേയ്‌മെന്റ് സ്വീകരിക്കാനും കഴിയും.
എന്നിരുന്നാലും, നിങ്ങള്‍ക്ക് മ്യൂച്വല്‍ ഫണ്ടുകളില്‍ നിക്ഷേപമുണ്ടെങ്കില്‍, നിങ്ങള്‍ക്ക് സുഖപ്രദമായ രീതിയില്‍ പണം പിന്‍വലിക്കാന്‍ കഴിയും. സാധാരണഗതിയില്‍, റിട്ടയര്‍മെന്റിന് ശേഷമുള്ള ആദ്യ വര്‍ഷത്തില്‍ ഫണ്ട് പിന്‍വലിക്കുന്നതിനുള്ള തംബ് റൂള്‍ ആണ് 4%. അതിനുശേഷം, വാര്‍ഷിക പണപ്പെരുപ്പ നിരക്ക് അടിസ്ഥാനമാക്കി നിങ്ങള്‍ക്ക് പിന്‍വലിക്കല്‍ നിരക്ക് വര്‍ദ്ധിപ്പിക്കാം. ചെലവുകള്‍ പരമാവധി കുറയ്ക്കുകയും അവധിക്കാലം പോലെയുള്ള മറ്റ് സാമ്ബത്തിക ലക്ഷ്യങ്ങള്‍ക്കായി നിങ്ങളുടെ സാമ്ബത്തികം ശ്രദ്ധാപൂര്‍വം ആസൂത്രണം ചെയ്യുകയും ചെയ്യുന്നതാണ് നല്ലത്.
