തിരുവനന്തപുരം: രാഹുല് ഗാന്ധി തന്നെ എ.ഐ.സി.സി അധ്യക്ഷനാകണമെന്ന് യൂത്ത് കോണ്ഗ്രസ് ദേശീയ പ്രസിഡന്റ് ബി.വി ശ്രീനിവാസ്.
ഭാരത് ജോഡോ യാത്ര കോണ്ഗ്രസിന് ഊര്ജം പകരും. ബി.ജെ.പി ഉയര്ത്തുന്ന വെല്ലുവിളികള് നേരിടാന് കോണ്ഗ്രസ് സജ്ജമെന്നും ബി.വി ശ്രീനിവാസ് പറഞ്ഞു.
ഇന്നാണ് രാഹുല് ഗാന്ധി നയിക്കുന്ന ഭാരത് ജോഡോ പദയാത്ര തുടങ്ങുന്നത്. കന്യാകുമാരിയില് ഒരുക്കിയിരിക്കുന്ന പ്രത്യേക വേദിയില് വൈകുന്നേരം അഞ്ചിനാണ് ഔദ്യോഗിക ഉദ്ഘാടനം. രാജീവ് ഗാന്ധി കൊല്ലപ്പെട്ട ശ്രീപെരുമ്ബത്തൂരില് രാവിലെയെത്തി രാഹുല്ഗാന്ധി പ്രാര്ത്ഥന നടത്തും.
‘ഒരുമിക്കുന്ന ചുവടുകള് ഒന്നാകുന്ന രാജ്യം’- ഇതാണ് ഭാരത് ജോഡോ യാത്രയുടെ മുദ്രാവാക്യം. കേന്ദ്ര സര്ക്കാരിന്റെ ജനദ്രോഹ നയങ്ങള് തുറന്നു കാട്ടാന് കന്യാകുമാരി മുതല് കശ്മീര് വരെ ആറു മാസം നീളുന്ന യാത്ര. ഉച്ചയ്ക്ക് തിരുവനന്തപുരത്ത് നിന്ന് ഹെലികോപ്ടറില് രാഹുള് ഗാന്ധി കന്യാകുമാരിയിലേക്ക് തിരിക്കും. തമിഴ്നാട് മുഖ്യമന്ത്രി എം.കെ. സ്റ്റാലിനടക്കം ദേശീയ നേതാക്കള് ഇന്ന് കന്യാകുമാരിയിലെത്തും. 12 സംസ്ഥാനങ്ങളിലൂടെ കടന്നു പോകുന്ന യാത്ര ഈ മാസം 11 ന് കേരളത്തിലെത്തും.