ന്യൂഡല്ഹി: രാജ്യത്തെ ഗോതമ്ബ് കൃഷിയില് വര്ദ്ധന. കഴിഞ്ഞ വര്ഷത്തേക്കാള് ഇത്തവണ ഗോതമ്ബ് കൃഷിയുടെ വിസ്തൃതി 25 ശതമാനം ഉയര്ന്നു.മെച്ചപ്പെട്ട ആദായം പ്രതീക്ഷിച്ച് കര്ഷകര് കൂടുതല് പ്രദേശത്ത് വിളയിറക്കിയതാണ് കാരണം.രാജ്യത്ത് ഗോതമ്ബിന് ഉയര്ന്ന വില രേഖപ്പെടുത്തിയതും സര്ക്കാരിന്റെ കൈവശമുള്ള സ്റ്റോക്ക് കുറഞ്ഞതും കര്ഷകരെ കൃഷി വര്ദ്ധിപ്പിക്കാന് പ്രേരിപ്പിച്ചു.
അടുത്ത കുറച്ച് മാസങ്ങളില് വിപണികള് ഗോതമ്ബിന് അനുകൂലമായി തുടരുമെന്ന് പ്രതീക്ഷിച്ച് നിരവധി വ്യാപാരികളാണ് ഗോതമ്ബ് കൃഷിയിലേക്ക് ഇറങ്ങിയിരിക്കുന്നത്.കൃഷി മന്ത്രാലയത്തിന്റെ ഏറ്റവും പുതിയ കണക്കുകള് പ്രകാരം വെള്ളിയാഴ്ച വരെ ഏകദേശം 25.57 ദശലക്ഷം ഹെക്ടറില് ഗോതമ്ബ് വിതച്ചിട്ടുണ്ട്.കഴിഞ്ഞ വര്ഷം ഇതേ കാലയളവില് ഇത് 20.39 ദശലക്ഷം ഹെക്ടറായിരുന്നു.
അതേസമയം, ഉത്തരേന്ത്യയില് ഇതുവരെയുള്ള ശൈത്യകാലത്തേക്കാള് പകല് സമയത്തെ താപനില ഉയരുന്നതും ആശങ്കാജനകമാണ്.ഇന്ത്യന് കാലാവസ്ഥാ വകുപ്പ് ഈ വര്ഷം വടക്കുഭാഗത്ത് സാധാരണയേക്കാള് ചൂടേറിയ ശൈത്യകാലം പ്രവചിച്ചതോടെ കര്ഷകര് ആശങ്കയിലാണ്.
ചില റിപ്പോര്ട്ടുകള് അനുസരിച്ച്, ഗോതമ്ബിന്റെ വളര്ച്ചയുടെ ഘട്ടത്തില് പകല് സമയത്ത് ഏകദേശം 14-15 ഡിഗ്രി സെല്ഷ്യസ് താപനില ആവശ്യമാണ്.ചൂട് കൂടുതലാണെങ്കില് വിളവ് കുറയാന് സാധ്യതയുണ്ട്
ഡിസംബര് മാസത്തില് ഗോതമ്ബ് വിളയ്ക്ക് തണുത്ത കാലാവസ്ഥ, മൂടല്മഞ്ഞ് എന്നിവ ആവശ്യമാണ്. എന്നാല് കഴിഞ്ഞ വര്ഷം വിളവെടുപ്പിന് തൊട്ടുമുമ്ബ് താപനിലയിലെ പെട്ടെന്നുള്ള വര്ദ്ധനവ് കാരണം ഇന്ത്യയുടെ വാര്ഷിക ഗോതമ്ബ് ഉല്പാദനം ഗണ്യമായി കുറഞ്ഞിരുന്നു.