ഡല്ഹി: മുന് ധനമന്ത്രിയും തൃണമൂല് കോണ്ഗ്രസ് ഉപാധ്യക്ഷനുമായ യശ്വന്ത് സിന്ഹ പ്രതിപക്ഷത്തിന്റെ രാഷ്ട്രപതി സ്ഥാനാര്ത്ഥിയാവും.
ഡല്ഹിയില് ചേര്ന്ന 17 പ്രതിപക്ഷ പാര്ട്ടികളുടെ യോഗത്തിലാണ് തീരുമാനം . 2018ല് ബിജെപി വിട്ട യശ്വന്ത് സിന്ഹ കഴിഞ്ഞ വര്ഷമാണ് തൃണമൂല് കോണ്ഗ്രസില് ചേര്ന്നത്.
സ്ഥാനാര്ത്ഥിയാകണമെങ്കില് അദ്ദേഹം തൃണമൂല് കോണ്ഗ്രസ് ഉപാധ്യക്ഷ സ്ഥാനം രാജിവെക്കണമെന്ന് കോണ്ഗ്രസും ഇടത് പാര്ട്ടികളും ആവശ്യപ്പെട്ടിരുന്നു. ഈ ആവശ്യം സിന്ഹ അംഗീകരിച്ചതോടെയാണ് സ്ഥാനാര്ഥിത്വത്തിന് വഴിതെളിഞ്ഞത്.
എന്സിപി അധ്യക്ഷന് ശരദ് പവാര്, മഹാത്മാഗാന്ധിയുടെ ചെറുമകന് ഗോപാല് കൃഷ്ണ ഗാന്ധി, നാഷ്ണല് കോണ്ഫറന്സ് തലവന് ഫാറൂഖ് അബ്ദുള്ള എന്നിവര് രാഷ്ട്രതി സ്ഥാനാര്ത്ഥിയാകാന് താല്പര്യമില്ലെന്ന് അറിയിച്ചതിനു പിന്നാലെയാണ് തൃണമൂല് കോണ്ഗ്രസ് ഉപാധ്യക്ഷന് യശ്വന്ത് സിന്ഹയുടെ പേര് ഉയര്ന്നുവന്നത്.