തിരുവനന്തപുരം: വിമാനത്തില് യൂത്ത് കോണ്ഗ്രസ് പ്രവര്ത്തകര് മുഖ്യമന്ത്രി പിണറായി വിജയനെ ആക്രമിക്കാന് ശ്രമിച്ചതായി സൂചനയില്ലെന്ന് ഇന്ഡിഗോ വൃത്തങ്ങള്.
ചട്ടം നോക്കുകയാണെങ്കില് പ്രതിഷേധക്കാരേക്കാള് അവരെ പിടിച്ചു തള്ളിയ എല് ഡി എഫ് കണ്വീനര് ഇ പി ജയരാജന്റെ പ്രവൃത്തിയാണ് ഗൗരവമേറിയതെന്നാണ് ഇന്ഡിഗോ വൃത്തങ്ങള് പറയുന്നത്.
പൈലറ്റ് ഇന്ഡിഗോ അധികൃതര്ക്ക് കൈമാറിയ റിപ്പോര്ട്ട് പ്രകാരം വിമാനത്തിന്റെ വാതില് തുറന്ന ശേഷമാണ് യാത്രക്കാര് മുദ്രാവാക്യം വിളിച്ചത്. ഇത് കുറ്റത്തിന്റെ കാഠിന്യം കുറയ്ക്കും. വാതിലിന് തൊട്ടടുത്താണ് മുഖ്യമന്ത്രിയുണ്ടായിരുന്നതെന്നും കുറച്ച് സെക്കന്ഡുകള് മാത്രമാണ് പ്രതിഷേധമുണ്ടായതെന്നുമാണ് റിപ്പോര്ട്ടിലുള്ളത്.
വിമാനം നിലത്തിറക്കിയതിന് തൊട്ടുപിന്നാലെ സീറ്റ് ബെല്റ്റ് ഊരാന് സന്ദേശം നല്കി. വാതില് തുറന്നശേഷം മുദ്രാവാക്യം വിളിച്ചതിനാല് ഇത് വിമാനവുമായി ബന്ധപ്പെട്ട നിയമങ്ങളല്ല, വിമാനത്താവളത്തിലെ നിയമങ്ങളാവും ബാധകമാവുക. പ്രതിഷേധിച്ച യൂത്ത് കോണ്ഗ്രസ് പ്രവര്ത്തകരെ കാബിന് ക്രൂ ശാന്തമാക്കാന് ശ്രമിച്ചെന്നും റിപ്പോര്ട്ടിലുണ്ട്.