സിവാന്:ബീഹാറിലെ സിവാന് ജില്ലയിലെ മഹാരാജ്ഗഞ്ചില് ശനിയാഴ്ചയുണ്ടായ വെടിവയ്പ്പില് മാദ്ധ്യമപ്രവര്ത്തകന് വെടിയേറ്റതായി പോലീസ് അറിയിച്ചു.
രാജേഷ് അനല് എന്ന മാദ്ധ്യമ പ്രവര്ത്തകനാണ് വെടിയേറ്റത്. അരയിലും ഇടത് തുടയിലും ഗുരുതരമായി പരിക്കേറ്റ അദ്ദേഹത്തെ സിവാന് സദര് ആശുപത്രിയില് പ്രവേശിപ്പിച്ചു. അദ്ദേഹത്തിന്റെ നില അതീവഗുരുതരമാണെന്ന് ഡോക്ടര്മാര് അറിയിച്ചു. ബൈക്കിലെത്തിയ രണ്ട് അക്രമികള് വെടിവെച്ച ശേഷം ഓടി രക്ഷപ്പെടുകയായിരുന്നു. നാട്ടുകാരാണ് രാജേഷിനെ ആശുപത്രിയിലെത്തിച്ചത്.
സംഭവത്തെ തുടര്ന്ന് പ്രദേശത്ത് സംഘര്ഷാവസ്ഥ ഉണ്ടായി. അന്വേഷണം നടന്നുവരികയാണെന്നും പ്രതികളെ ഉടന് കസ്റ്രഡിയിലെടുക്കുമെന്നും പോലീസ് സൂപ്രണ്ട് ശൈലേഷ് കുമാര് സിന്ഹ അറിയിച്ചു. ഇത് രണ്ടാം തവണയാണ് രാജേഷ് അനല് ആക്രമിക്കപ്പെടുന്നത്. 2017ല് അദ്ദേഹത്തെ അക്രമികള് കുത്തിപ്പരിക്കേല്പിച്ചിരുന്നു.