തിരുവനന്തപുരം: സംസ്ഥാനത്ത് രണ്ട് ദിവസമായി തുടരുന്ന കനത്തമഴയുടെ തീവ്രത കുറയുന്നു. കോട്ടയം, എറണാകുളം, ഇടുക്കി ജില്ലകളില് പ്രഖ്യാപിച്ചിരുന്ന റെഡ് അലര്ട്ട് പിന്വലിച്ചു. 11 ജില്ലകളില് ഇന്ന് ഓറഞ്ച് അലര്ട്ട് പ്രഖ്യാപിച്ചു . പത്തനംതിട്ട, ആലപ്പുഴ, എറണാകുളം,കോട്ടയം,ഇടുക്കി തൃശൂര്, പാലക്കാട്, മലപ്പുറം, കോഴിക്കോട്, വയനാട്, കണ്ണൂര് ജില്ലകളിലാണ് ഓറഞ്ച് അലെര്ട്ട്. കാസര്കോട്, തിരുവനന്തപുരം, കൊല്ലം ജില്ലകളില് യെല്ലോ അലെര്ട്ടാണ് നിലവിലുള്ളത്.
റെഡ് അലര്ട്ടുകള് പിന്വലിച്ചെങ്കിലും മലയോരമേഖലകളില് അതീവ ജാഗ്രത തുടരണമെന്ന് മുന്നറിയിപ്പുണ്ട്. വിഴിഞ്ഞം മുതല് കാസര്കോട് തീരം വരെ ഉയര്ന്ന തിരമാലകള്ക്കും ശക്തമായ കാറ്റിനും സാധ്യതയുള്ളതിനാല് മത്സ്യതൊഴിലാളികള് കടലില് പോകരുതെന്നും നിര്ദേശമുണ്ട്