ന്യൂഡല്ഹി : മണിപ്പുര് വിഷയത്തില് പ്രതിപക്ഷ പാര്ട്ടികളുടെ ആശങ്ക കേള്ക്കാനുള്ള കോണ്ഗ്രസ് അധ്യക്ഷൻ മല്ലികാര്ജുൻ ഖര്ഗെയുടെ അഭ്യര്ഥന രാഷ്ട്രപതി ദ്രൗപദി മുര്മു അംഗീകരിച്ചു.
ബുധനാഴ്ച രാവിലെ 11.30ന് പ്രതിപക്ഷ എംപിമാരുമായി രാഷ്ട്രപതി കൂടിക്കാഴ്ച നടത്തും.
മണിപ്പുരിലെ അക്രമങ്ങളെക്കുറിച്ച് സമഗ്രമായ ചര്ച്ച വേണമെന്ന് ജൂലൈ 20ന് വര്ഷകാല സമ്മേളനം ആരംഭിച്ചതു മുതല് ലോക്സഭയിലും രാജ്യസഭയിലും പ്രതിപക്ഷം ഉന്നയിച്ചിരുന്നു. സംസ്ഥാനത്തെ സ്ഥിതിഗതികള് സംബന്ധിച്ച് പ്രധാനമന്ത്രി നരേന്ദ്ര മോദി പാര്ലമെന്റില് പ്രസ്താവന നടത്തണമെന്നും പ്രതിപക്ഷം ആവശ്യപ്പെട്ടു. മണിപ്പുരിലെ അക്രമം ആശങ്കാജനകമാണെന്നും ഇതു പരിഹരിക്കാൻ രാഷ്ട്രപതിയുടെ ഇടപെടലും പ്രതിപക്ഷം ആവശ്യപ്പെട്ടിട്ടുണ്ട്.
സംഘര്ഷം രൂക്ഷമായ സംസ്ഥാനത്ത് രണ്ടു ദിവസത്തെ സന്ദര്ശനം നടത്തിയ 21 അംഗ പ്രതിപക്ഷ എംപിമാരുടെ സംഘം ദുരിതബാധിത പ്രദേശങ്ങള് സന്ദര്ശിക്കുകയും ദുരിതാശ്വാസ ക്യാംപുകളില് കഴിയുന്നവരുമായി കൂടിക്കാഴ്ച നടത്തുകയും ചെയ്തിരുന്നു.