ന്യൂഡല്ഹി: രാജ്യതലസ്ഥാനത്ത് കഴുത്തറുത്ത നിലയിലായില് യുവതിയുടെ മൃതദേഹം കണ്ടെത്തിയ സംഭവത്തില് കൂടുതല് വിവരങ്ങള് പുറത്ത്.
ഡല്ഹി ആസാദ്പുരിലെ 23കാരിയെ വിവാഹിതനായ കാമുകനാണ് കൊലപ്പെടുത്തിയതെന്ന് പോലീസ് അറിയിച്ചു. പിടിയിലായ പ്രതിയുമായി യുവതിക്ക് ബന്ധമുണ്ടായിരുന്നുവെന്ന് നോര്ത്ത് വെസ്റ്റ് ഡല്ഹി ഡി.സി.പി. ഉഷാ രംഗ്നാനി പറഞ്ഞു. വിവാഹിതനായ പ്രതിയുമായി യുവതിക്ക് ബന്ധമുണ്ടായിരുന്നു.
ഭാര്യയുമായി വേര്പിരിയണമെന്ന് യുവതി നിരന്തരം ഇയാളോട് ആവശ്യപ്പെട്ടിരുന്നു. അല്ലെങ്കില് താനുമായുള്ള ബന്ധത്തെക്കുറിച്ച് ഭാര്യയോടടക്കം പറയേണ്ടി വരുമെന്നും യുവതി ഭീഷണിപ്പെടുത്തിയിരുന്നു. ഇതിന്റെ അടിസ്ഥാനത്തിലായിരുന്നു കൊലപാതകമെന്ന് ഉഷ രഗ്നാനി പറഞ്ഞു. കഴുത്തറുത്ത നിലയിലായിരുന്നു ശനിയാഴ്ച വൈകുന്നേരം ഏഴുമണിയോടു കൂടി യുവതിയുടെ മൃതദേഹം കണ്ടെത്തിയത്.
ചോരയില് കുളിച്ചു കിടക്കുന്ന നിലയിലായിരുന്നു മൃതദേഹം. ഉടന് തന്നെ പോലീസ് സംഭവസ്ഥലത്തെത്തിയെങ്കിലും യുവതി അപ്പോഴേക്കും മരിച്ചിരുന്നു. കേവാല് പാര്ക്കില് ടെലി കോളറായി വര്ക്ക് ചെയ്യുകയായിരുന്നു യുവതി എന്ന് ഡി.സി.പി. പറഞ്ഞു. സംഭവവുമായി ബന്ധപ്പെട്ട് അഞ്ചുപേരെയാണ് ഇതുവരെ അറസ്റ്റ് ചെയ്തിരിക്കുന്നത്. ഐ.പി.സി. സെക്ഷന് 302 പ്രകാരമാണ് കേസ് രജിസ്റ്റര് ചെയ്തിരിക്കുന്നത്.