വയലിനിസ്റ്റ് ബാലഭാസ്കറിന്റേയും മകളുടേയും മരണത്തിലേക്ക് നയിച്ച കാറപകടത്തില് തുടരന്വേഷണത്തിന് ഉത്തരവിട്ടിരിക്കുകയാണ് ഹൈക്കോടതി.
ഗൂഢാലോചനയുണ്ടോയെന്ന് കണ്ടെത്തണമെന്നാണ് കോടതിയുടെ പ്രധാന നിര്ദേശം. സിബിഐക്ക് അന്വേഷണം പൂര്ത്തിയാക്കാന് മൂന്ന് മാസത്തെ സമയവും കോടതി അനുവദിച്ചിട്ടുണ്ട്. ബാലഭാസ്കറിന്റെ പിതാവ് നല്കിയ ഹര്ജിയിലായിരുന്നു കോടതി ഉത്തരവ്. എന്നാല് തുടരന്വേഷണത്തിന് ഉത്തരവിടുന്നതിലേക്ക് കോടതിയെ നയിച്ചത് കേസുമായി ബന്ധപ്പെട്ട് നിലനില്ക്കുന്ന ചില സംശയങ്ങളാണ്.
കോടതിയുടെ 20 സംശയങ്ങള്
- സെപ്തംബര് 25ന് സംഗീത സംവിധായകന് അക്ഷയ് വര്മ്മയുമായി കൂടിക്കാഴ്ചയുള്ളതിനാലാണ് തൃശൂരില് മുറി ബുക്ക് ചെയ്തിരുന്നിട്ടും രാത്രി തന്നെ തിരുവനന്തപുരത്തേക്ക് തിരിക്കാന് ബാലഭാസ്കര് തീരുമാനിച്ചതെന്നാണ് ലതയുടെ വെളിപ്പെടുത്തല്. പക്ഷെ ഇത് അക്ഷയ് വര്മ്മ നിഷേധിക്കുകയാണുണ്ടായത്.
- അപകടം നടന്ന ദിവസം പുലര്ച്ചെ 4.15ന് ലത അര്ജുനെ ഫോണ് വിളിച്ചിരുന്നു. പക്ഷെ ഫോണ് എടുത്തത് പോലീസായിരുന്നു. ഇതിന് പിന്നാലെ ലത പ്രകാശ് തമ്ബിക്കൊപ്പമുണ്ടായിരുന്ന ജിഷ്ണുവിനെ വിളിച്ചു. ഈ സമയത്തെ ഫോണ് കോളുകളില് കോടതി സംശയം പ്രകടിപ്പിച്ചു.