കാസര്ഗോഡ്: ബദിയടുക്കയില് കഴിനാജ് ദിവസം രാത്രി പിടികൂടിയത് 13.950 കിലോ കഞ്ചാവ്. ജില്ല പോലീസ് മേധാവി വൈഭവ് സക്സനേയുടെ നേതൃത്വത്തില് നടക്കുന്ന ഓപ്പറേഷന് ക്ലീന് കാസര്ഗോടിന്റെ ഭാഗമായി നടത്തിയ വാഹന പരിശോധനയിലാണ് ബദിയഡുക്ക ഇഡിയടുക്കയില് നിന്നും കഞ്ചാവ് പിടികൂടിയത്.പൈവളികെ ചിപ്പാര് സ്വദേശി മുഹമ്മദ് ഫയാസ്, ഉപ്പള മംഗല്പാടി സ്വദേശി അബൂബക്കര് സിദ്ദീഖ് എന്നിവരെ പോലീസ് അറസ്റ്റ് ചെയ്തു.
നാര്ക്കോട്ടിക് ഡിവൈ.എസ്.പി എം.എ. മാത്യൂവിന് ലഭിച്ച രഹസ്യവിവരത്തെ തുടര്ന്ന് കാസര്ഗോഡ് ഡി.വൈ.എസ്.പി വി.വി. മനോജ്, ഡിവൈ.എസ്.പി അബ്ദുല് റഹീം, ബദിയഡുക്ക എസ്.ഐ വിനോദ് കുമാര് എന്നിവരുടെ നേതൃത്വത്തിലായിരുന്നു വാഹനപരിശോധന നടത്തിയത്. ഇവര് സഞ്ചരിച്ച കാറില് ചാക്കില് സൂക്ഷിച്ച നിലയിലായിരുന്നു കഞ്ചാവ് കണ്ടെത്തിയത്. വാഹനത്തില് നിന്നും 57,350 രൂപയും പിടിച്ചെടുത്തു.
ഡാന്സാഫ് ടീം അംഗങ്ങളായ ശിവകുമാര്, ഓസ്റ്റിന് തമ്ബി, രാജേഷ്, ഹരീഷ്, സജീഷ് എന്നിവരും ബദിയഡുക്ക പൊലീസ് സ്റ്റേഷനിലെ അനീഷ്, പ്രവീണ്, ചന്ദ്രകാന്ത്, സുനില്, ശ്രീനേഷ് എന്നിവരും പരിശോധന സംഘത്തിലുണ്ടായിരുന്നു.