ഗസ്സ: ഫലസ്തീനില് എട്ടര മാസത്തിലേറെ ആയി കൂട്ടക്കുരുതി നടത്തിവരുന്ന ഇസ്രായേലിന് കനത്ത പ്രഹരം. ഫലസ്തീൻ പോരാളികള്‍ ഒരുക്കിയ കെണിയില്‍ സയണിസ്റ്റ് സൈനികർ കുടുങ്ങിയപ്പോള്‍ കൊല്ലപ്പെട്ടത് നാലുപേർ.
നാലഞ്ചു ദിവസമായി രൂക്ഷമായ ആക്രമണം നടക്കുന്ന ശുജാഇയ്യയില്‍ ആണ് സംഭവം.
ശുജാഇയ്യയില്‍ സ്ഫോടക വസ്തുക്കള്‍ സ്ഥാപിച്ചു കെണി ഒരുക്കിയ കെട്ടിടത്തില്‍ എത്തിയ അധിനിവേശ സൈനികർ ആണ് കൊല്ലപ്പെട്ടത്.
ഫലസ്തീൻ ചെറുത്തുനില്‍പ്പ് സംഘടനയായ ഇസ്ലാമിക് ജിഹാദിൻ്റെ സായുധ വിഭാഗം ആയ അല്‍ ഖുദ്സ് ബ്രിഗേഡ് ആണ് ഇക്കാര്യം അറിയിച്ചത്. ഇസ്രായേല്‍ തൊടുത്തുവിട്ട F-16 മിസൈല്‍ ഉപയോഗിച്ച്‌ തന്നെ ആണ് പോരാളികള്‍ കെണി ഒരുക്കിയത്. ആക്രമണത്തില് അഞ്ചു സൈനികർക്ക് പരുക്കേറ്റു. ഇതോടെ ഗസ്സയില്‍ പോരാളികള്‍ നടത്തിയ ആക്രമണത്തില് കൊല്ലപ്പെട്ട അധിനിവേശ സൈനികരുടെ എണ്ണം 320 ആയി.
ഗസ്സ സിറ്റിയുടെ പ്രാന്ത പ്രദേശം ആണ് ശുജാഇയ്യ. ഗസ്സയില്‍ നിന്ന് പോരാളികളെ പൂർണായി തുരത്തി വരിക ആണെന്ന് നെതന്യാഹു അവകാശപ്പെടുമ്ബോള്‍ ആണ് പുതിയ തിരിച്ചടി ഉണ്ടായിരിക്കുന്നത്.
ഫലസ്തീനില് ഇസ്റാഈല് നടത്തിവരുന്ന കടന്നുകയറ്റം എട്ടരമാസം പിന്നിടുകയാണ്. ഫലസ്തീനില് ഇസ്റാഈല് നടത്തിവരുന്ന ആക്രമണം 267 ദിവസം പിന്നിട്ടതോടെ ഇതുവരെ കൊല്ലപ്പെട്ടവരുടെ എണ്ണം 38,000 ആയി. 86,500 ലേറെ പേര്ക്ക് പരുക്കേറ്റു. ലബനാനില് ഇസ്റാഈല് നടത്തിയ ആക്രമണത്തില് ഒരാളും കൊല്ലപ്പെട്ടു. പടിഞ്ഞാറന് നഗരമായ ബെഖാഇയില് മോട്ടോര് സൈക്കിള് യാത്രക്കാരനാണ് ഡ്രോണ് ആക്രമണത്തില് കൊല്ലപ്പെട്ടത്. ലബനാനില് സംഘര്ഷാവസ്ഥ നിലനില്ക്കുന്നതിനാല് ഇവിടേക്കുള്ള യാത്ര ഒഴിവാക്കണമെന്ന് പൗരന്മാരോട് യു.എസ് അറിയിച്ചിട്ടുണ്ട്.
