ന്യൂഡല്ഹി: പെരുമ്ബാവൂര് ജിഷ കൊലക്കേസ് പ്രതി അമീറുള് ഇസ്ലാമിന്്റെ ജയില് മാറ്റത്തിനുള്ള അപേക്ഷ ഇന്ന് സുപ്രീം കോടതിയില്.
കേരളത്തില് നിന്ന് അസമിലെ ജയിലിലേക്ക് മാറ്റണമെന്ന് ആവശ്യപ്പെട്ടാണ് സുപ്രീം കോടതിയെ സമീപിച്ചത്. ഭാര്യയും മാതാപിതാക്കളും അസമിലാണുള്ളതെന്നും അവര് അതീവ ദാരിദ്ര്യത്തിലാണെന്നും അതിനാല് ജയില്മാറ്റം അനുവദിക്കണമെന്നുമാണ് പ്രതിയുടെ ആവശ്യം.
വിയ്യൂര് ജയിലിലാണ് അമീറുള് ഇസ്ലാം നിലവിലുള്ളത്. വിയ്യൂര് ജയിലില് തന്നെ സന്ദര്ശിക്കാന് ഭാര്യയും മാതാപിതാക്കളും ബുദ്ധിമുട്ട് നേരിടുന്നതായും പ്രതി ചൂണ്ടിക്കാണിച്ചിട്ടുണ്ട്.
നിയമവിദ്യാര്ഥിനിയായ ജിഷയെ ക്രൂരമായി ബലാത്സംഗം ചെയ്ത് കൊലപ്പെടുത്തിയ കേസിലെ പ്രതിയായ ഇയാളെ വിചാരണക്കോടതി വധശിക്ഷക്കാണ് വിധിച്ചിരിക്കുന്നത്. വധശിക്ഷയ്ക്കെതിരെ പ്രതി ഹൈക്കോടതിയില് ഹര്ജി നല്കിയിട്ടുണ്ട്.