ബെംഗളൂരു: കോണ്‍ഗ്രസില്‍ അന്തിമ അധികാരം പ്രസിഡന്റിനായിരിക്കുമെന്ന് രാഹുല്‍ ഗാന്ധി. പുതിയ പ്രസിഡന്‍റിന് തന്റെ നിര്‍ദ്ദേശങ്ങള്‍ ആവശ്യമില്ലെന്നും രാഹുല്‍ പറഞ്ഞു.
കോണ്‍ഗ്രസിന്‍റെ പുതിയ തീരുമാനങ്ങള്‍ പുതിയ പ്രസിഡന്‍റായിരിക്കും എടുക്കുക. അതില്‍ തന്റെ അഭിപ്രായങ്ങള്‍ ഉണ്ടാകില്ല.
തന്റെ പ്രവര്‍ത്തന മണ്ഡലം പുതിയ പ്രസിഡന്‍റിന് തീരുമാനിക്കാം. ഖാര്‍ഗെയും തരൂരും മിടുക്കരാണ്. ഇരുവരും കോണ്‍ഗ്രസിനെ മുന്നോട്ട് നയിക്കാന്‍ അര്‍ഹതയും കഴിവുമുള്ളവരാണെന്നും രാഹുല്‍ പറഞ്ഞു.
അതേസമയം ശശി തരൂരിന് ലഭിച്ച വോട്ടുകള്‍ പാര്‍ട്ടിയിലെ പരിഷ്കാരങ്ങളുടെ സൂചനയാണെന്ന് കാര്‍ത്തി ചിദംബരം പറഞ്ഞു. ഉദയ്പൂര്‍ പ്രഖ്യാപനങ്ങള്‍ യാഥാര്‍ത്ഥ്യമാകും. ഖാര്‍ഗെയ്ക്ക് അഭിനന്ദനങ്ങളെന്നും കാര്‍ത്തി പറഞ്ഞു.
