ന്യൂഡല്ഹി: 10 വര്ഷത്തിന് ശേഷം, എല്ലാ കോഴ്സുകളുടെയും പാഠ്യപദ്ധതി പരിഷ്കരിക്കാന് തീരുമാനിച്ചതായി ഐഐടി ഡല്ഹി ഡയറക്ടര് രംഗന് ബാനര്ജി.
പാഠ്യപദ്ധതി അവലോകനം ചെയ്യാന് പ്രത്യേക സമിതി രൂപീകരിച്ചിട്ടുണ്ട്.
അടുത്ത വര്ഷം മുതല് പുതിയ പാഠ്യപദ്ധതിയുടെ അടിസ്ഥാനത്തില് അധ്യയന വര്ഷം ചിട്ടപ്പെടുത്തും. അധ്യാപകര്, വിദ്യാര്ത്ഥികള്, പൂര്വവിദ്യാര്ത്ഥികള് എന്നിവരുമായി ഈ വിഷയത്തില് കൂടിയാലോചനകള് നടത്തുന്നുണ്ട്.
ഇക്കാലത്ത് ക്ലാസ് റൂം അധ്യാപനത്തില് മാത്രം ശ്രദ്ധ കേന്ദ്രീകരിക്കാന് കഴിയില്ലെന്ന് ബാനര്ജി പറഞ്ഞു. ഗവേഷണ അവസരങ്ങള് വര്ധിപ്പിക്കണം. 54,000 ത്തിലധികം വിദ്യാര്ത്ഥികള് ഐഐടി ഡല്ഹിയില് നിന്ന് വിവിധ വിഷയങ്ങളില് ബിരുദം നേടിയിട്ടുണ്ട്. ഐ.ഐ.ടികള് എന്ജിനീയറിംഗ് സ്ഥാപനങ്ങള് എന്ന നിലയില് നിന്ന് സമ്ബൂര്ണ്ണ സര്വ്വകലാശാലകളായി മാറിയെന്നും അദ്ദേഹം പറഞ്ഞു.