റാഞ്ചി : പതിനഞ്ച് വയസോ അതില് കൂടുതലോ പ്രായമുള്ള മുസ്ലീം പെണ്കുട്ടികള്ക്ക് ഇഷ്ടമുള്ള വ്യക്തിയെ വിവാഹം കഴിക്കാമെന്ന് ഹൈക്കോടതി.
വിവാഹങ്ങളില് രക്ഷിതാക്കളുടെ യാതൊരു ഇടപെടലും കൂടാതെ ഇഷ്ടപ്പെട്ടയാളെ ജീവിതപങ്കാളിയാക്കാനുള്ള സ്വാതന്ത്ര്യമുണ്ടെന്നും ജാര്ഖണ്ഡ് ഹൈക്കോടതി വ്യക്തമാക്കി. 15 വയസുകാരിയായ മുസ്ലീം പെണ്കുട്ടിയെ വിവാഹം കഴിച്ച യുവാവിനെതിരെ പോലീസ് രജിസ്റ്റര് ചെയ്ത എഫ്ഐആര് റദ്ദാക്കിക്കൊണ്ടാണ് കോടതി ഇത്തരത്തിലൊരു പരാമര്ശം നടത്തിയത്.
ബീഹാറിലെ നവാഡ് സ്വദേശിയായ സോനു എന്ന ഇരുപത്തിനാലുകാരനെതിരെയാണ് പോലീസ് എഫ്ഐആര് രജിസ്റ്റര് ചെയതത്. പെണ്കുട്ടിയുടെ പിതാവാണ് യുവാവിനെതിരെ പരാതിയുമായി രംഗത്ത് വന്നത്. ഈ കേസ് റദ്ദാക്കുന്നതിനുള്ള ഹര്ജിയുമായാണ് സോനു ഹൈക്കോടതിയില് എത്തിയത്. തുടര്ന്ന് വാദം കേട്ട ജഡ്ജി കേസ് റദ്ദാക്കുകയായിരുന്നു.
അതേസമയം ഇരുവരും തമ്മിലുള്ള വിവാഹത്തിന് എതിര്പ്പ് ഇല്ലെന്ന് പെണ്കുട്ടിയുടെ അച്ഛന് കോടതിയെ അറിയിച്ചു. ചില തെറ്റിദ്ധാരണകള് മൂലമാണ് ഇത്തരത്തിലൊരു നടപടിയിലേക്ക് പോയതെന്നും പെണ്കുട്ടിയുടെ കുടുംബത്തിന് വേണ്ടി ഹാജരായ അഭിഭാഷകന് കോടതിയില് വ്യക്തമാക്കി. ഇതിനിടെ വിവാഹത്തിന് എതിര്പ്പില്ലെന്ന് യുവാവിന്റെ വീട്ടുകാരും അറിയിച്ചു.