തിരുവനന്തപുരം: നിയമസഭാ കയ്യാങ്കളിക്കേസില്‍ ഇ.പി ജയരാജന്‍ ഒഴികെയുള്ള എല്ലാ പ്രതികളും കോടതിയിലെത്തി.
കുറ്റപത്രം പ്രതികളെ വായിച്ച്‌ കേള്‍പ്പിച്ചു. പ്രതികള്‍ ആരോപണങ്ങള്‍ നിഷേധിച്ചു. കേസ് 26ലേക്ക് മാറ്റി. ഇ.പി ജയരാജന്‍ ഹാജരാകില്ലെന്ന് അഭിഭാഷകന്‍ അറിയിച്ചതോടെ അടുത്ത തവണ ഹാജരാകാന്‍ കോടതി നിര്‍ദേശിച്ചു.
മന്ത്രി വി ശിവന്‍കുട്ടി ഉള്‍പ്പെടെ അഞ്ച് പ്രതികളാണ് തിരുവനന്തപുരം സിജെഎം കോടതിയില്‍ ഹാജരായത്. 2015ല്‍ കെ.എം മാണി ബജറ്റ് അവതരിപ്പിച്ചപ്പോള്‍ സഭയ്ക്കുള്ളില്‍ അതിക്രമം നടത്തി രണ്ടരലക്ഷം രൂപയുടെ നഷ്ടമുണ്ടാക്കിയെന്നാണ് കേസ്.
