കൊച്ചി: നഗര രൂപകല്പ്പനയിലെ പുതിയ പ്രവണതകള് കണക്കിലെടുത്ത് ഭാവിയില് നഗരവികസനം നടപ്പാക്കണമെന്ന് മുഖ്യമന്ത്രി പിണറായി വിജയന്.
സംസ്ഥാനത്തെ നഗര പ്രദേശങ്ങളുടെ വികസനത്തിനായി സജീവമായി നിക്ഷേപം ക്ഷണിക്കുകയാണ്. നഗരവികസനത്തില് പൊതു-സ്വകാര്യ പങ്കാളിത്തത്തോടെ നിരവധി പദ്ധതികള് നടപ്പാക്കുമെന്നും മുഖ്യമന്ത്രി പറഞ്ഞു.
വിശാല കൊച്ചി വികസന അതോറിറ്റി (ജിസിഡിഎ) സംഘടിപ്പിച്ച ദേശീയ നഗരവികസന കോണ്ക്ലേവ് ‘ബോധി 2022’ ഓണ്ലൈനായി ഉദ്ഘാടനം ചെയ്യുകയായിരുന്നു അദ്ദേഹം. നഗരവികസന പദ്ധതികളില് ലാന്ഡ് പൂളിംഗ് ഉള്പ്പെടെയുള്ള നൂതന സമീപനങ്ങള് നടപ്പാക്കണം. ഇതുവഴി നിയമപരമായ സങ്കീര്ണതകളും സര്ക്കാരിനുള്ള സാമ്ബത്തിക ബാധ്യതയും ഒഴിവാക്കാനാകും. 2016ലെ കേരള ടൗണ് ആന്ഡ് കണ്ട്രി പ്ലാനിംഗ് ആക്ടില് ഇതിനുള്ള വ്യവസ്ഥകളുണ്ടെന്നും മുഖ്യമന്ത്രി പറഞ്ഞു.